Desmantelan en Tomiño un taller clandestino de reparación de armas
Hai un único detido e incautouse "unha importante cantidade" de armas e munición de distintos tipos e calibres.
Axentes da Garda Civil de Pontevedra desmantelaron este xoves un taller clandestino de reparación de armas situado na localidade de Tomiño, e detiveron a unha persoa por un delito de tenza, tráfico e depósito de armas e municións.
Tal e como informou o Instituto Armado, o operativo, coñecido baixo a denominación 'Operación Susurro', desenvolveuse a mañá do xoves por efectivos do Grupo de Información e da Intervención de Armas da Comandancia de Pontevedra.
Froito desta intervención, foi detida unha persoa como presunta autora dun delito de tenza, tráfico e depósito de armas e municións, e incautouse "unha importante cantidade" de armas e munición de distintos tipos e calibres.
Catro anos de prisión para un ourensán que tiña un arsenal de armas na súa casa
Prisión provisional para unha anarquista detida en Vigo por tenencia ilícita de armas
Escribe o teu comentario