Denuncian "deficiencias asistenciais" na Residencia da Terceira Idade de Oleiros
O PSOE lamenta a situación 'calamitosa' dos centros dependentes da área de Política Social da Xunta.
O deputado socialista no Parlamento galego Juan Díaz Villoslada denunciou "deficiencias asistenciais" na Residencia da Terceira Idade en Oleiros (A Coruña), tras unha reunión co comité de empresa de Política Social na provincia.
Ao termo do encontro, ao que asistiu a portavoz de Política Social no grupo socialista, Noela Branco, Villoslada lamentou a situación "calamitosa" dos centros dependentes da área de Política Social da Xunta.
Como exemplo, sinalou o caso da Residencia de Oleiros, da que dixo que "só hai un auxiliar de enfermería para atender a 44 grandes dependentes na quenda de noite".
"É un centro de referencia con moitas deficiencias na calidade asistencial", lamentou. Por outra banda, reclamou "poñer coto" a esta situación e recuperar "a calidade" do servizo público.
Escribe o teu comentario