60 familias galegas teñen procesos de adopción abertos en Etiopía e Burundi

|

Psdegbloqueoadopcions


A portavoz de Política Social do PSdeG, Noela Blanco, pediu á Xunta que "desbloquee de maneira urxente" a paralización dos expedientes das case 60 familias galegas que teñen procesos de adopción abertos en Etiopía e Burundi.


En concreto, segundo apuntou a socialista a través dun comunicado, son nove familias galegas as que teñen expedientes abertos en Burundi, e hai 49 pendentes en Etiopía.


Os seus expedientes, como relatou Noela Branco, víronse truncados polo peche da ONG Addis Galicia, que exercía como entidade colaboradora de adopción internacional (ECAI) da Xunta.


Algúns procesos de adopción levan en marcha "cinco anos" e existen familias que están "pagando 215 euros ao mes ao orfanato" para a manutención dun neno que xa teñen asignado, indicou.


Neste escenario, a parlamentaria ourensá reclamou á Xunta que solicite á ECAI a devolución dos importes cobrados ás familias "só unha semana" antes de anunciar o seu peche e que contacte co Goberno para "explorar a vía diplomática".

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress