Deteñen 20 persoas nunha "importantísima" operación antidrogas de Vigo

|

Guardiacivildetencion


O operativo antidrogas levado a cabo nas últimas horas pola Policía Nacional e dirixido polo Xulgado de Instrución número catro de Vigo, suma ao redor dunha vintena de detidos, a metade deles en Galicia; e, segundo apuntou o delegado do Goberno en Galicia, Santiago Villanueva, será "determinante" para evitar que entre droga a través da comunidade.


O delegado remarcou que a operación, que continúa aberta, é "importantísima" e acumula "numerosos detidos".


Así, aínda que descartou dar máis datos para non "poñer en perigo" o operativo, remarcou que este é "especialmente importante" e os seus resultados "van ser determinantes para evitar o tráfico de drogas" e que "se poidan pasar a fornecer" desde Galicia.


Tal e como especificou, a operación é levada polo Xulgado de Instrución número catro de Vigo, a Fiscalía antidroga, e efectivos do Corpo Nacional de Policía de Galicia e Madrid, aos que felicitou por "esta operación que é de gran importancia e está a piques de pecharse".


Acerca desta causa, que foi declarada secreta, o Tribunal Superior de Xustiza de Galicia indicou que hai ao redor dunha vintena de detidos, a metade deles na comunidade galega, quen está previsto que empecen a pasar a disposición xudicial desde primeira hora deste xoves Entre os detidos atópanse polo menos oito persoas arrestadas na provincia de Pontevedra, concretamente dúas na cidade de Pontevedra --que foron arrestados o luns nun supermercado, aínda que non son empregados do mesmo--, e outras seis persoas en Vigo.

relacionada Unha operación antidrogas sáldase con alomenos oito detidos en Pontevedra e Vigo

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress