En cinemas a partir deste venres 'Psiconautas', a cinta galega gañadora dun Goya

|

Cineanimacionpsiconautas


A cinta galega 'Psiconautas. Os nenos esquecidos', gañadora do premio Goya á Mellor Película de Animación, estrearase este venres, 24 de febreiro, en preto de 50 cinemas españois.


En Galicia, a cinta poderase visionar na Coruña, nos multicines Cantóns; en Santiago, na sala Numax e, posteriormente, nos Cinemas Compostela; en Vigo, nos Multicines Norte; e en Narón, en Odeón Multicines. A preestrea terá lugar este martes ás 20,00 horas na sala coruñesa.


Así o confirmaron este martes o codirector da película, Alberto Vázquez, e o produtor da mesma, Farruco Castromán, no acto de presentación. A este evento, que tivo lugar na Cidade da Cultura de Santiago, tamén acudiron o conselleiro de Cultura, Román Rodríguez, e o director de Agadic, Jacobo Sutil.


Neste acto, Vázquez afirmou que, aínda que a cinta "non é perfecta", si se trata dunha "película notable" e destacou a súa capacidade para "poñer o pé en moitos sitios".


Neste sentido, o tamén director de arte sinalou que esta longametraxe introdúcese en "varios nichos de mercado", como o da ciencia ficción, o mundo do cómic e a ilustración, o terror e o cinema de autor.


PROXECCIÓN INTERNACIONAL


Pola súa banda, o produtor apuntou que, para tratarse dunha película con "un orzamento moi humilde" --preto de "un millón e pico de euros", segundo informou o mesmo--, "alcanzou xa unhas metas altísimas".


Así mesmo, ambos destacaron a posible proxección internacional do filme. De feito, está previsto que a película se distribúa en Estados Unidos, Reino Unido, Canadá e Francia.


Da mesma forma, Castromán expresou o seu desexo de introducila no mercado asiático, no que cre que podería ter "un potencial importantísimo" e darlles "moitísimas sorpresas".


EQUIPO TÉCNICO E PRODUTORA GALEGA


Outra das características de 'Psiconautas. Os nenos esquecidos' é que se trata dunha película na que tanto o equipo técnico como a produtora principal son de Galicia, trazo que, segundo o director, "nótase na súa maneira de entender a paisaxe e os personaxes".


Nesta liña, o conselleiro de Cultura lembrou que "Galicia sempre foi referencia na animación" e celebrou que con esta cinta "volva estar na vangarda". Ademais, Román Rodríguez aplaudiu a traxectoria de Vázquez no audiovisual e o seu traballo como ilustrador.


De feito, Alberto Vázquez creou a historia de 'Psiconautas' en papel, nunha novela gráfica, fai case dez anos e xa a trasladou ao audiovisual coa curtametraxe 'Birdboy', tamén galardoado cun premio Goya en 2012.

relacionada O galego Alberto Vázquez, dobremente premiado polas súas obras de animación

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress