Os prezos subiron un 3,2% no último ano en Galicia
A alza é superior á media española, que quedou nun 3%. A electricidade e a gasolina dispararon este aumento.
O Índice de Prezos de Consumo (IPC) en Galicia baixou un 0,7 por cento en xaneiro do 2017 respecto ao mes anterior, mentres elevou a súa taxa interanual ata o 3,2% --por encima da media--, segundo os datos definitivos publicados este mércores polo Instituto Nacional de Estatística (INE).
En España, o IPC baixou un 0,5% en xaneiro respecto ao mes anterior e elevou 1,4 puntos a súa taxa interanual, ata o 3%, quinta taxa positiva consecutiva e o seu nivel máis alto desde outubro de 2012.
Esta estatística confirma a importante subida que deron os prezos no primeiro mes do ano como consecuencia do encarecemento da electricidade e das gasolinas.
Nadal aconsella "afacerse" ás subidas do prezo da luz
Supermercados usan a campaña publicitaria dos gandeiros para afundir os prezos do coello
A luz e a gasolina impulsan a inflación máis alta en catro anos
Escribe o teu comentario