CIS | O PSOE recupérase e Podemos mantense como segunda forza

O Barómetro de Xaneiro do Centro de Investigacións Sociolóxicas (CIS) mantén ao PP como o partido con maior estimación de voto, co mesmo 33% que logrou nas xerais de xuño, mentres que Unidos Podemos e as súas confluencias marca un 21,7% e repite en segunda praza, a pesar de que a enquisa se produciu tras estalar a crise interna e a pesar de que o PSOE sobe uns 1,6 puntos e chega ata o 18,6%.

Ciudadanos, na primeira enquisa tras apoiar a Mariano Rajoy como presidente do Goberno, consolídase en cuarto lugar cun respaldo calculado do 12,4%, catro décimas menos que tres meses antes.

Na lista de líderes emerxe o presidente da xestora do PSOE, o asturiano Javier Fernández, que se sitúa como o mellor puntuado de entre as formacións de ámbito estatal.

GALICIA: BAIXA EN MAREA

A estimación de voto para En Marea sitúase no 1,4%, dúas décimas por baixo do dato anterior (1,6%) que recibiu a coalición de Anova, Esquerda Unida e Podemos Galicia. Unidos Podemos mantense como segunda forza política, por detrás do PP e diante do PSOE ao sumar os apoios das confluencias galega, catalá e valenciana.

Ademais, segundo o barómetro, En Marea tamén baixa en intención directa de voto. Se en outubro a enquisa lle outorgou un 1,1% de voto directo, agora no barómetro correspondente a 2017 é do 0,8%.