O Papa Francisco promove un 'anti-mannequin challenge'

O Papa Francisco pide acoller a pobres, refuxiados e marxinados no vídeo no que recolle a súa intención de oración para o mes de febreiro e no que se utiliza o fenómeno da internet 'mannequin challenge'.

"Por aqueles que están angustiados, especialmente os pobres, os refuxiados e os marxinados, para que atopen acollida e apoio nas nosas comunidades", convida a rezar o Pontífice durante o mes de febreiro.

Mentres no vídeo obsérvase a escena conxelada dunha persoa pedindo nunha rúa comercial rodeada de cidadáns que pasean con bolsas, patinetes e cafés, Francisco advirte da "exclusión" que sofren "grandes masas da poboación" nas grandes cidades nas que se "constrúen torres, centros comerciais e se fan negocios". "Non os abandones!", exclama.