Arde un albergue en Xunqueira de Ambía
O lume deixou "importantes danos" na vivenda e afectou, parcialmente, a outras casas lindeiras pero non houbo que lamentar danos persoais.
Unha casa que funcionaba como albergue privado ardeu este xoves no municipio ourensán de Xunqueira de Ambía, aínda que non houbo que lamentar danos persoais.
Segundo a información do CAE 112-Galicia, o suceso ocorreu sobre as 3,30 horas da madrugada nun edificio situado na rúa San Rosendo.
Ata a zona desprazáronse os Bombeiros de Xinzo de Limia e os Bombeiros de San Cibrao. Así mesmo, informouse tamén a Protección Civil de Xunqueira, Allariz, Vilar de Barrio e Maceda e á Garda Civil.
O lume deixou "importantes danos" na vivenda e afectou, parcialmente, a outras casas lindeiras. No interior do inmoble había dúas persoas que non resultaron afectadas.
A hospedaxe levaba pouco tempo aberto, segundo La Voz de Galicia, e daba aloxamento sobre todo a peregrinos que facían a Ruta da Prata.
Escribe o teu comentario