Retiran a distinción de ferrolán do ano a José Luis Pego, exdirectivo de NCG

Na mesma sesión do pleno tamén se fixo efectiva a renuncia de Guillermo Evia como edil do grupo municipal do Partido Popular.


|

JoseluispegomiguelsantalicesJosé Luis Pego e Miguel Santalices nunha foto de arquivo


O pleno do Concello de Ferrol aprobou por unanimidade a retirada da distinción de ferrolán do ano a José Luis Pegoactualmente en prisión, cumprindo unha sentenza da Audiencia Nacional (AN), conxuntamente con outros exdirectivos de Novacaixagalicia polas súas xubilacións millonarias.


A distinción de ferrolán do ano fóralle concedida a Pego en decembro do ano 2008, durante outra sesión plenaria ordinaria do Concello de Ferrol, cando ocupaba a dirección xeral de Caixanova e a Alcaldía desta cidade ostentábaa Vicente Irisarri (PSOE). Foi aprobada por aquel entón tamén por unanimidade a concesión desta distinción por todos os grupos.


Na sesión deste xoves, que se desenvolveu desde as 19,00 horas, os cinco grupos con representación no pleno, PP, FeC, PSOE, BNG, C's e as dúas edís do grupo dos non adscritos, emitiron o seu voto afirmativo á dita retirada, tras debater previamente, o pasado luns, 23 de xaneiro, esta cuestión nunha xunta de portavoces.


DESPEDIDA


Nesta sesión tamén se fixo efectiva a renuncia de Guillermo Evia como edil do grupo municipal do Partido Popular. "Foi unha honra e un privilexio traballar por e para a miña cidade, Ferrol", asegurou na súa despedida.


Así mesmo, Evia mostrou o seu agradecemento "tanto a Juan Juncal e a José Manuel Rey", por permitirlle " traballar para Ferrol e os ferroláns".


Tamén pediu "perdón polos erros cometidos" e se nalgún momento molestou a alguén, ao mesmo tempo que agradeceu: "O esforzo dos funcionarios deste Concello cos que tiven a sorte de traballar, especialmente durante o período 2011-2015".


En canto aos que foron ata hoxe os seus compañeiros pediulles: "Un esforzo para rebaixar o clima de crispación que ultimamente estamos a transmitir e que impere o diálogo e o respecto mutuo".


Finalmente, agradeceu aos seus compañeiros de partido a súa "colaboración e paciencia". "O meu compromiso con Ferrol e cos ferroláns seguireino mantendo como non pode ser doutra forma", asevera.

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal - Política de Cookies - Política de Privacidade - Configuración de cookies - Consello editorial - Publicidade
Powered by Bigpress
CLABE