Medio Ambiente confía en que as choivas aumenten os encoros e ríos galegos

|

Piscinasnaturalespozasrio


A conselleira de Medio Ambiente, Beatriz Mato, asegurou que non hai problemas de abastecemento de auga en Galicia, pese a situación de seca, e confiou en que as próximas choivas contribúan a aumentar o volume dos encoros galegos e o caudal dos ríos.


Nunha entrevista na Radio Galega, Beatriz Mato apuntou que "os encoros que abastecen principalmente están a día de hoxe un 3 por cento por baixo da media de fai cinco anos". É dicir, ao 69 por cento da súa capacidade, mentres que o resto están ao 50 por cento.


Con todo, indicou que "o máis preocupante" é o caudal dos ríos, que espera que se recuperen coas choivas dos próximos días.


Ademais, a conselleira de Medio Ambiente incidiu na aposta da Xunta polas enerxías renovables que, ademais, abarataría a factura da electricidade. "Na Xunta estamos comprometidos con cambiar cara ás enerxías renovables. Debería facerse así, porque ao ser máis baratas, deberían elas mesmas controlar o mercado e facer que a tarifa fose máis barata", sentenciou. 

relacionada A Oficina Técnica da Seca recomenda o "uso responsable" da auga en Galicia
relacionada Nadal di que o recibo da luz vai encarecer 100 euros este ano aos prezos actuais

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress