Os celadores do Cunqueiro fan "o dobre de quilómetros" por non ter servizo de raios en Urxencias
O Sergas anunciou unha "pequena obra", que CCOO espera que solucione a carencia, "aínda que con sobrecustos innecesarios" por non contar "cos traballadores".
O sindicato CC.OO. adiantou que se a Xerencia "por fin decide dotar o servizo de urxencias cun servizo de raios" --o luns o Sergas adiantou que realizará "unha pequena obra de reordenación espacial para achegar maior operatividade" ao servizo de urxencias, aínda que non concretou en que consistirá--, celebrarao aínda que chegue "con máis dun ano de atraso".
Tal e como remarcou, un estudo dos celadores sostén que desde a apertura do novo hospital, co servizo de raios X fóra de urxencias, os profesionais teñen que facer "o dobre de quilómetros" que antes nos hospitais Xeral e Meixoeiro, concretamente 132,95 quilómetros respecto de 68,2 quilómetros.
"Con máis dun ano de atraso, decátanse da realidade e farán obras, que supoñerán incomodidades e gastarán diñeiro", sinalou, engadindo que "ambas as cousas se poderían evitar, coma tantas outras, se contasen cos traballadores".
"CC.OO. congratúlase se ao final arranxan o problema, aínda que con sobrecustos innecesarios e evitables", selou.
Persoal do Chuvi concéntrase parar reclamar "medidas sostidas, non puntuais"
Os traballadores de urxencias do Chuvi "levan demasiados días soportando unha situación insostible"
Escribe o teu comentario