Os teleoperadoradores retoman as mobilizacións en Vigo, A Coruña e Lugo

Denuncian que a patronal "segue mantendo a súa proposta de convenio continuista que pretende perpetuar condicións precarias".


|


CGTmanifestacion 1


Vigo, A Coruña e Lugo acollerán este xoves, 26 de xaneiro, concentracións con motivo dunha nova xornada de folga no sector do telemarketing convocada en todo o Estado.


Segundo informa a Confederación Xeral do Traballo (CXT), tras máis de dous anos de negociación do novo convenio colectivo a patronal do sector "segue mantendo a súa proposta de convenio continuista que pretende perpetuar condicións precarias para os teleoperadores".


O sindicato advirte de que, debido a esta folga, "veranse bloqueados todos os servizos de atención ao cliente do Ibex 35, é dicir, as grandes empresas bancarias, enerxéticas, de telecomunicacións e mesmo administracións públicas" de todo o Estado, xa que, segundo subliña, "este sector é crucial para a prestación de servizos de atención á cidadanía e ao consumidor".


Nas principais cidades do Estado haberá actos públicos de protesta, onde se concentrarán os traballadores en folga. En Galicia está prevista unha manifestación ás 11,00 horas desde a Praza de España.


Mentres que na Coruña a as 12,00 horas convocan unha concentración fronte á tenda de Movistar na Praza de Pontevedra. En Lugo a concentración será diante a empresa de telemarketing Abante.

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal - Política de Cookies - Política de Privacidade - Configuración de cookies - Consello editorial - Publicidade
Powered by Bigpress
CLABE