O abandono animal custa a Galicia máis de 3 millóns ao ano


|

Perroabandonado


A asociación animalista Libera denunciou que o "crecente" abandono animal en Galicia trae parello un incremento no gasto que esta situación supón para as administracións públicas implicadas. A asociación estima que este ascende a un total de 3,3 millóns de euros en 2016.


Segundo sinalaron Libera e a Fundación Franz Weber este domingo nun comunicado, cada animal abandonado supón un gasto de 200 euros en concepto de servizos de recollida e manutención.


Con todo, as asociacións animalistas advertiron que estamos ante unha "aproximación económica" e lembraron que, aínda que son "poucos" os casos en que se rescatan cans ou gatos con graves feridas ou fracturas, nestas ocasións requírense intervencións que superan "os varios centos de euros". Cantidades que son asumidas por "concellos, deputacións e entidades protectoras".


Libera e a Fundación Franz Weber tamén criticaron que o abandono se convertiu nun "negocio" para un "reducido grupo de empresas" que ingresan diñeiro de forma que "non contribúen a encarar o problema".


Así mesmo, os animalistas tamén apuntaron que as administracións "tampouco están a poñer da súa parte para acabar co abandono" e que son "moi poucos" os concellos que levaron a cabo campañas de sensibilización para informar da tenza responsable, a adopción e as sancións que supoñen os malos tratos e abandono.


No comunicado, Libera tamén reiterou que a situación non mellora e que o 2016 pechou con 16.800 animais abandonados en Galicia, o que supón un aumento do 22,6 por cento desde 2013.

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress
CLABE