Bruxelas aproba o orzamento de España malia que prevé un déficit do 3,3%

|

Montoro 4


A Comisión Europea pensa que o plan orzamentario enviado a principios de decembro polo Goberno español cumpre "en liñas xerais" cos obxectivos, a pesar de que estima que o déficit público deste ano será do 3,3%, dúas décimas por encima do compromiso adquirido.


Por tanto, na súa opinión sobre o plan orzamentario, aprobada polo colexio de comisarios este martes, Bruxelas apunta que o Goberno de Mariano Rajoy "debe estar preparado" para adoptar medidas adicionais se fose necesario para cumprir coa meta de 2017.


Bruxelas cancelou en xullo do pasado ano a multa a España por incumprir o obxectivo de déficit e outorgou dous anos máis, ata 2018, para reducir o desfasamento por baixo do 3%. A nova senda fiscal estableceu uns obxectivos do 4,6% en 2016, do 3,1% en 2017 e do 2,2% en 2018. A cambio, esixiu un axuste estrutural do 0,5% en 2017 e outro tanto en 2018, que equivalen a un axuste de máis de 10.000 millóns.


España enviou en outubro, entón cun Executivo en funcións, un borrador orzamentario que prorrogaba os orzamentos de 2016. Xa en decembro, o novo Goberno de Mariano Rajoy enviou unha actualización que inclúe medidas para cumprir co obxectivo de déficit deste ano.


Entre estas medidas están a modificación do imposto de sociedades e o incremento dos chamados impostos especiais, e accións para combater a fraude, que supoñerán, segundo as contas do Goberno, unha recadación adicional de 7.500 millóns de euros.

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress