AC/DC versionado con gaitas, o vídeo do momento

A Rondalla Santa Eulalia de Mos é nestes momentos a formación de música tradicional con máis éxito nas redes sociais. E todo grazas a un vídeo da televisión local de Redondela do Día dous Ranchos de Reis, onde a banda interpreta o mítico tema Thunderstruck de AC/DC. Contan que son sempre todo un espectáculo visual e de son, cos seus máis de cen compoñentes e as súas postas en escena. Na citada festa convertéronse en peza fundamental.

O vídeo acumula unhas 150.000 reproducións nun día, pero esta non é a primeira versión coa que se atreven. Hai un ano sorprenderon ao IFEVI, o recinto feiral de Vigo, co tema da cabeceira da serie Xogo de Tronos.

O éxito en redes sociais pode ser efémero, pero estes vídeos deixan con ganas de velos en vivo.