Ruavieja e Bico de Xeado xúntanse para crear o primeiro xeado con sabor a Crema Ruavieja

Este luns as dúas empresas comercializaron por primeira vez o xeado en Santiago de Compostela.

Trátase do primeiro xeado artesanal de Crema Ruavieja. 

O mercado artesanal galego está de inauguración coa aparición da xeado Crema Ruavieja. Trátase da unión entre a empresa de xeados Bico de Xeado e da adega de licores Ruavieja. 

Nesta ocasión, elaboraron un novo ingrediente para os conxelados que parte da composición da famosa Crema Ruavieja. Presentárono este luns 13 de xuño en Santiago de Compostela, unha data estratexicamente seleccionada tendo en conta que entramos na época onde máis se goza dun bo xeado, o verán. 
 

Ruavieja lidera o mercado de licores galego e buscou fusión con Bico de Xeado porque manteñen ese mesmo compromiso coa materia prima galega. Así mesmo, a empresa tamén asegura compartir calidades como a minuciosidade na elaboración dos seus produtos, así como o agarimo dos mesmos. 

Así, a Brand Manager de Ruavieja, Emma García, dicía: 

"Esta unión supón unha continuidade dentro da súa estratexia de posicionarse como o auténtico líder da sobremesa, Ruavieja atopa en Bico de Xeado o partner perfecto, con quen comparte orixe galega e agarimo polas cousas ben feitas".

Deste xeito, o xeado contará cun 20% de Crema Ruavieja. "Converterase na opción máis refrescante e cremosa do verán", sentencian.