Van apagar un incendio en Rianxo e atópanse por sorpresa 10 quilos de cogollos de marihuana​ e 11 cachorros

O descubrimento tivo lugar cando se declarou un incendio nunha vivenda de Rianxo e efectivos do posto da Garda Civil da localidade e de Padrón acudiron ao lugar.

No lugar atoparon 10 quilos de droga e 11 cachorros, ademais dunha cadela adulta. Os animais necesitaron asistencia veterinaria.

Foto: EP

A Garda Civil do Posto de Rianxo e efectivos do Posto de Padrón interviñeron 10 quilogramos de cogollos de marihuana tras acudir a unha vivenda incendiada no primeiro municipio coruñés.

Segundo informou o Instituto Armado, os feitos ocorreron tras chamada efectuada polo Centro Operativo Complexo da Comandancia da Garda Civil da Coruña sobre un incendio na zona de Ourolo- Rianxo. Ao lugar dos feitos desprazouse a patrulla do Posto de Padrón, Bombeiros de Boiro e Policía local de Rianxo.

DROGAS E CANS

O inquilino da vivenda non se atopaba no lugar no momento dos feitos e as forzas actuantes observaron que no interior da mesma había unha gran cantidade de bolsas termoselladas e envasadas ao baleiro que contiñan unha substancia de cor verde que puidese tratarse de cogollos de marihuana, relatan as mesmas fontes.

Do interior da vivenda tamén foron rescatados 11 cachorros e unha cadela que precisaron de asistencia veterinaria. Un dos cachorros foi trasladado a unha clínica.

A Garda Civil procedeu á aprehensión da substancia achada que, tras o seu peso, lanzou a cantidade de 10 quilos. A Benemérita continúa coas investigacións e remitiu as dilixencias por estes feitos ao xulgado de garda de Padrón.