Rusia ataca con armas químicas en Mariupol?: este é o vídeo do Batallón Azov que Kiev e EE.UU. investigan

O uso de armas químicas podería supoñería unha brusca escalda da guerra e podería empuxar a Occidente cara a unha confrontación directa con Rusia. 

O polémico Batallón Azov difunde un vídeo con varios supostos feridos por un ataque onte en Mariupol pero o seu propio goberno, por agora, non parece estar do todo convencido.

Este é o ferido máis grave que aparece no vídeo de Azov relantando que percibiron un fume doce  antes de sufocarse

As primeiras noticias sobre o suposto ataque con armas químicas saltaron en canles de Telegram do Rexemento Azov ao redor das 21 horas de onte luns.

"Hai aproximadamente unha hora, as forzas de ocupación rusas utilizaron unha substancia velenosa de orixe descoñecida contra militares e civís ucraínos na cidade de Mariupol, que foi lanzada desde un UAV inimigo"

Hai que ter en conta que parte das tropas de Azov levan un mes, aproximadamente, asediadas. Resistiron o asalto ruso, pero foron perdido terreo e só conservan unha pequena parte da urbe.  Os rusos, o seu aliados prol-independentistas da República Popular de Donetsk (RPD) e milicias chechenas están a sufrir moitas baixas para tentar desaloxar os redutos.

Esta mañá Azov publicou un vídeo no que falan media ducia de supostos testemuñas. A maioría son militares, pero tamén hai unha anciá civil encamada. Un dos militares aparenta ter dificultades para abrir os ollos e está intubado. Os milicianos denuncian un "sabor doce" no aire que os provocou dificultades respiratorias.

Azov asegura que o ataque non é sorprendente  porque "anteriormente, os terroristas do DNR dixeron que planeaban atacar a cidade con armas químicas". O batallón denuncia que "o mundo occidental, que está a ver o xenocidio en Mariupol en liña, debe volver en si!" porque " Centos de persoas morren na cidade todos os días".

Chamamentos así levan semanas sucediéndse sen resposta ata o de agora, nin por parte do seu propio Goberno. Kiev non montou ningunha ofensiva relevante para romper o cerco de Mariupol. 

Azov recoñece que nas actuais condicións da cidade, practicamente arrasada, é imposible facer unha análise detallado do ocorrido. Tamén indica que o suposto ataque parece que non foi dirixido contra civís, senón contra a primeira liña da fronte.

As vítimas da propagación dunha substancia velenosa de orixe descoñecida na cidade de Mariupol atópanse nun estado relativamente satisfactorio.

O contacto dos civís coa substancia foi mínimo, pois o epicentro da lesión atopábase a certa distancia do lugar onde se atopaban as persoas. Os militares estaban un pouco máis preto. 

Con todo, actualmente é imposible investigar completamente a escena debido ao lume inimigo, porque os rusos continúan usando tácticas de encubrimento dos seus propios crimes.

No vídeo pódese ver a un militar en estado moderado. Os outros dous están baixo supervisión médica constante. Unha anciá ten a peor condición entre os civís afectados.

Os principais síntomas das vítimas son os seguintes: hipremia facial, hipertensión arterial, secura e acidez estomacal na orofaringe e mucosas dos ollos.

É claro agora que o inimigo usou as substancias venenosas ou substancias venenosas potentes, principalmente as sufocantes. Con todo, debido a un cerco total, a súa análise toxicolóxica é imposible. Ao mesmo tempo, a tarefa principal é contorlar esl estado de saúde das persoas afectadas e as posibles consecuencias do envelenamento.

Hai que lembrar que Azov é un grupo de ideoloxía fascista. Nacido das milicias filonazis que xogaron un papel importante na rebelión do Maidan e na contención das milicias prol-rusas no leste do país, Azov forma parte da Garda Nacional do país. Nin o goberno actual nin o anterior goberno de souberon -ou quixeron-  expulsar do seu exército polémico batallón ultradereitista, o que facilitou a propaganda rusa. Moscova alega -falsamente- que Ucraína está gobernado por nazis.

Con estes antecedentes, non será a denuncia de Azov un intento desesperado de forzar a Kiev a tentar, polo menos , romper o cerco? Que credibilidade teñen as súas advertencias? Como as está avaliando o Goberno de Ucraína e os seus aliados occidentais?

DÚBIDAS NA CASA BRANCA E EN KIEV

Por agora, Volodymyr Zelenskiy non confirmou o uso de armas químicas. Nun vídeo publicado esta noite, o presidente de Ucrnia, iso si, di que se toma as denuncias coa máxima seriedade. 

"Gustaríame lembrar aos líderes mundiais que xa se discutiu o posible uso de armas químicas por parte do exército ruso. E xa nese momento significaba que era necesario reaccionar á agresión rusa de maneira moito máis dura e rápida", indicou o líder desde Kiev.

Pola súa banda, Washington tampouco se mostrou do todo convencida por agora.  "Non podemos confirmar neste momento e continuaremos monitoreando a situación de preto", dixo o secretario de prensa do Pentagano John Kirby en rolda de prensa.

"Estes informes, se son certos, son profundamente preocupantes e reflicten as preocupacións que tivemos sobre o potencial de Rusia para usar unha variedade de axentes de control de disturbios, incluído o gas lacrimóxeno mesturado con axentes químicos, en Ucraína", engadiu.

Efectivamente, se se proba o uso de armas de destrución masiva nunha contorna urbana, supoñería unha escalada do conflito. En consecuencia, a presión da opinión pública sobre a Europa e EE.UU. para involucrarse directamente sería moito maior. A calve está en se realmente houbo tal ataque, por agora é imposible aseguralo ou descartalo.