​O verán máis máxico en Galicia coa chegada do Festival Internacional de Maxia 'Galicia Ilusiona'

A presentación do evento terá lugar este mércores en Vigo, onde anunciarán o percorrido itinerante do festival.

As sete cidades gozasen de funcións deste evento, que dará o pistoletazo de saída este  mércores cunha pequena presentación para 50 escolares vigueses.

Medio centenar de nenos e nenas dun colexio olívico serán os primeiros en alucinar cos trucos dalgúns dos mellores meigos do panorama internacional, que chegan a Galicia este verán grazas ao Festival Internacional de Maxia 'Galicia Ilusiona'.

A comunidade acolle así un dos eventos que promete converter a Galicia en "epicentro da maxia mundial". "Un dos festivais de ilusionismo máis grandes de Europa comezará o 1 de agosto e finalizará o 15 de outubro", sinalan os organizadores, á vez que destacan as "máis de 220 actuacións" que se sucederán "ao longo de todo o territorio".

A presentación oficial do festival, unha aposta para este Xacobeo 2022, terá lugar este mércores 16 de marzo no Auditorio Mar de Vigo. O vicepresidente primeiro da Xunta, Alfonso Rueda, a delegada territorial Marta Tapias ou os directores e produtores do festival, os magos Pedro Bugarín e Dani Polo, serán os encargados de abrir o pano.

No acto, ao que asistirán 50 escolares, realizarase unha pequena intervención para ver que nos imos a atopar se nos achegamos ao festival. Os nenos serán unha parte esencial desta iniciativa, que tamén chegará aos hospitais: "Non nos esquecemos da parte máis solidaria, xa que para os nenos que permanezan nas unidades de pediatría dos hospitais, e non poidan acudir ao Festival, os magos acudirán á súa unidade ou a súa habitación se é necesario, e levaranlles a maxia e ilusión onde atópense".

'Galicia Ilusinoa' xa confirmou as galas nas sete cidades, cuxas entradas se poñerán á venda en xuño:

• 3/9/22 Lugo. Auditorio Gustavo Freire
• 10/9/22 A Coruña. Palexco
• 17/9/22 Ferrol. Teatro Jofre
• 24/9/22 Pontevedra. Auditorio Sede Afundación
• 1/10/22 Ourense. Auditorio Municipal
• 9/10/22 Vigo. Auditorio Mar de Vigo
• 15/10/22 Santiago de Compostela. Auditorio de Galicia