Ordenan prisión comunicada e sen fianza para o detido implicado na malleira a dous mozos en Vigo

O sospeitoso foi detido nas últimas horas pola súa presunta implicación na agresión que obrigou a trasladas a dous mozos de 20 e 21 anos ao Álvaro Cunqueiro. 

Os feitos sucederon a pasada fin de semana, de madrugada, cando os agredidos sufriron unha brutal malleira a man doutras dúas persoas.

Entrada aos Xulgados de Vigo | Foto: EP

O Xulgado de Instrución número 1 de Vigo acordou o ingreso en prisión, comunicado e sen fianza para o detido pola brutal malleira a dous mozos de 20 e 21 anos na madrugada do pasado domingo na cidade.

Todo iso despois de que a Policía Nacional arrestase o martes a un dos autores da agresión, que non pasou a disposición xudicial ata este xoves, mentres que aínda continúa a procura do outro agresor.

Así, o home está a ser investigado por un presunto delito de lesións e outro de tentativa de homicidio, polo que foi enviado a prisión polo xulgado vigués.

Tal como informaron fontes policiais a Europa Press, os feitos sucederon sobre as 5 da madrugada do día 30 de xaneiro, cando dous mozos tiveron que ser hospitalizados tras recibir unha malleira en cálea María Berdiales de Vigo.

Cando os axentes chegaron ao lugar, atopáronse con dous mozos de 20 e 21 anos, vítimas da malleira, un deles coa cara ensanguentada e o outro seminconsciente. Pola súa banda, os agresores fuxiran á carreira.

A partir de aí, estableceuse un dispositivo de procura conxunta entre a Policía Local e a Nacional, achando a un dos agresores o pasado martes, que pasou este xoves a disposición xudicial, sendo enviado a prisión.