Récord casos activos de covid en Galicia a pesar das 26.000 altas repentinas do pasado xoves

Os 6.649 novos casos abertos comunicados hoxe apuntan a que empeza unha fase de baixada de contagios moi lenta. 

Os casos activos aínda seguen subindo, o que implica que a presión sobre a desbordada Atención Primaria aínda aumentará polo menos durante unhas semanas, no mellor dos casos.

Os hospitalizados continúan crecendo desde unha perspectiva semanal, a pesar do -14 de hoxe. Agora ben, este crecemento semanal segue perdendo fol, o que confirma que estamos a chegar ao pico tamén de hospitalizacións.

A incidencia acumulada semanal  cae por terceira xornada seguida . De acordo a o novo semáforo covid aprobado  polo Ministerio, este índice segue en  risco moi alto. 

A incidencia acumulada a 14 días aínda crece e alcanza un novo récord, 3.197 de cada 100.000 galegos deu positivo nos últimas dúas semanas. Continuaremos en risco moi alto e falta muchísmo para saír del, pois habería que baixar de 500.

O dobre da incidencia a 7 días case é igual á incidencia a 14 días.  pois que na última semana houbo máis ou menos os positivos que na anterior. Canto en concreto? A razón de taxas é de 1,02, por tanto na última semana houbo un  2% de positivos más que na penúltima. Tras seis días de descenso deste índice, estamos a un pasito de que, por fin, baixar de 1 e que a tendencia semanal sexa de freada.

A taxa de positividade onte foi de o  19%, a peor no últimos tres días. Con todo, a media semanal encadea case unha semana á baixa, moi amodo, pero á baixa, situándose no 19,9% . A media semanal  neste indicador continúa en todo caso tamén en risco moi alto.

EVOLUCIÓN DOS CASOS ACTIVOS E HOSPITALIZADOS

O total de infectados ascende hoxe un 1,68%. A media móbil a 7 días, que debería ser o índice máis significativo, non o é porque inclúe  os datos do pasado xoves, cando houbo un descenso artificial de 16.000 casos provocado por un cambio metodolóxico do SERGAS. 

En termos absolutos, as porcentaxes de hoxe equivalen a un ascenso de + 1.275. O total é de  casos activos é de 77.236, que é o récord absoluto, superando os 76.000 que había cando a Xunta cambiou de método hai unha semana.   

Como estas aberracións estatísticas fan que a serie de casos activos non resulte fiable, recorremos á serie de hospitalizados en planta para ver que rumbo está a tomar a pandemia. 

A tendencia semanal -que é a importante- segue sendo á alza, pero vemos  ese crecemento perde gas a cada día que pasa. O xoves pasado era de +5,1% e agora caeu ata +2,4%. É de esperar que nunha semana baixe de 0, o que implicará que a cada día que pase tenderá a haber menos e menos hospitalizados. 

DATOS POR ÁREAS

Vigo (1,785) e A Coruña (1.326) son outra vez os distritos que máis positivos comunican hoxe. Só A Coruña ten máis de 10 pacientes críticos (12) e máis de 100 hospitalizados en planta (140).

Máis datos a nivel municipal e de distrito de o SERGAS nuns minutos noutra noticia de Galiciapress.

ANÁLISE

Con estas cifras sobre a mesa, pódese inferir que:

• Esta onda da pandemia alcanzou un pico de tranmisión ou está a piques de alcanzalo.
• A nova estratexia de mitigación provoca que moitísimos casos sospeitosos non se lles realice ningunha  proba. O nivel contagios é probablemente moi superior ao que marcan as estatísticas.
• Con todo, a derivada da curva de hospitalizados indícanos que é cuestión de días antes de que a cantidade de hospitalizados toque teito. Non o faría se non tocase teito antes a curva de contagios.
• As UCIS e as plantas dos hospitais parecen fóra de perigo, non colapsarán, salvo un brusco cambio de tendencia.
• Outra cousa é Atención Primaria, que xa está colapsada en muchísmos centros de saúde. Será imposible aliviar a súa situación ata varias semanas despois de que baixen os casos activos. Con sorte, isto será a principios de febreiro.