Expediente contra a doutora Nercellas, que recibe ducias de apoios, por sacar do corredor de urxencias do Hospital de Santiago a un enfermo grave

O SERGAS ha expedientado á médica do CHUS de Santiago Fátima Nercellas. A Xunta alega que a galena sacou do corredor de urxencias a unha paciente que estaba grave para levala a unha zona máis adecuada.

Enfermos no corredor de Urxencias do CHUS nunha foto de arquivo remitida pola Asociación de Pacientes 

A Asociación de Pacientes de Compostela abre unha petición en Change.org de apoio á doutora, que en poucos minutos recibiu xa ducias de firmas. Solicitan o arquivo do expediente.

Segundo o colectivo, estamos ante "un acto de persecución laboral" dunha especialista que leva anos denunciando a falta de recursos no servizo de urxencias de Santiago. "A doutora Fátima Nercellas é acredora dunha traxectoria profesional intachable. Posuidora dunha visión humanista dá profesión médica na que prima a saúde e a atención dás persoas enfermas fronte a calquera outra consideración burocrática ou de limitación de medios", argumentan desde a Asociación.

As normas do propio SERGAS impiden que os pacientes de urxencias teñan que esperar nos corredores. Con todo, a falta de medios no CHUS provocou que durante anos  episodios periódicos de longas filas de camas de pacientes nos corredores. Varios chegaron a morrer no propio corredor ou pouco despois de esperar horas en eles, algo que provocou que varios cargos do SERGAS tivesen que declarar como investigados nos xulgados, aínda que a Xustiza nunca chegou a levalos a xuízo.

Nercellas enfróntase a unha falta grave, que lle pode carrexar ata dous anos de suspensión. Se a pena é de seis máis de seis meses, perdería a súa praza no Complexo Hospitalario Universitario de Santiago (CHUS).  "O código deontolóxico, obriga ao médico para socorrer ao enfermo, por encima de calquera norma ou protocolo. A omisión de socorro, ademais é un delito recolleito no código penal", razoa a petición en Change.org.