Muller de Cortegada (Ourense) di que queimou o cadáver dun home que coñeceu por Internet

A forzas de seguridade dan credibilidade ao relato, efectuado durante unha consulta no psiquiatra

A vítima sería un home de Cataluña e a muller atopouno xa morto, segundo a súa versión

A Garda Civil investiga un caso en Ourense para determinar se se trata dun crime despois de que unha veciña de Cortegada, de 26 anos, afirmase este luns, nunha consulta de Psiquiatría no Complexo Hospitalario Universitario de Ourense (CHUO), que queimara o cadáver dun home ao que coñecería a través de internet.

LANZOU RESTOS Ao RÍO

A muller foi detida e o caso está baixo secreto de sumario, pero as fontes consultadas por Europa Press confirmaron que a muller trasladou ao profesional que a atendeu na súa consulta médica que atopou ao home morto na súa casa e que, debido aos nervios, decidiu, co fin de ocultalo, queimar o seu cadáver e enterrar parte dos restos, mentres que outra parte lanzounos ao río.

O home, co que contactou a través de internet, desprazouse desde Cataluña o pasado verán.