Baixón dos positivos covid que necesita hospitalización alimenta dúbidas sobre restricións de Nadal en Galicia

Os 1.337 novos positivos por PCR comunicados hoxe é a segunda peor cifra desta onda tras o máximo de onte. É unha mala noticia, pois os datos de hoxe proveñen do sábado, cando se fan menos PCR. De feito, están a facerse de media uns 10.700 e antonte non chegaron a 8.000.

O salto de casos activos, outros 508 máis, séguenos colocando nunha previsión duns 22.000 para fin de ano.. 

Con todo, estes preocupantes números tamén inclúen unha boa noticia. As hospitalizacións seguen controladas. De feito, hai dous galegos menos en cama convencional hoxe que o pasado luns. Iso a pesar da subida de +20 neste cómputo nos dous últimos días.

A incidencia acumulada semanal  sobe de  303  a  315 positivos por cada 100.000 galegos. De acordo a o novo semáforo covid aprobado onte polo Ministerio, este índice está en nivel de risco moi alto desde hai case unha semana. Salvo milagre, imos camiño de superar o máximo da onda estival, cando chegamos a 347. 

A incidencia acumulada a 14 días tamén crece  moito, trece puntos, ata 524.  Desde onte estamos en risco moi alto, o peor posible,  e segue sen haber ningún indicio da suposta  meseta que a directora de Saúde Pública dixo intuír fai un par de semanas para xustificar o atraso na adopción de restricións.

O dobre da incidencia a 7 días (631 ) é moito maior que a incidencia a 14 días (524). Sabemos pois que na última semana houbo máis positivos que na penúltima. 

Cantos positivos máis? A razón de taxas é de 1,20 , por tanto na última semana houbo un  20 % de positivos más que na penúltima. 

Ese +20% son malas noticias, porque confirma que a deceleración que conseguiramos a finais de novembro hase esfumado. O consolo que nos outorga ver que este índice, que funciona como unha especie de velocímetro semanal dos positivos, tampouco sobe é un consolo escaso. Claro que un +20% é mellor que un +45% que soportamos a mediados de novembro, pero dada a magnitude dos totais actuais, un crecemento dun 20 por cento semanal é insostible a medio prazo, por poucas proporción de hospitalizados que haxa.

A taxa de positividade onte foi de o   15,2% .  Non só é a peor cifra desta onda, é a peor desde finais de xuño. É unha porcentaxe propia de risco moi alto. Afortunadamente, a escala de niveis de alerta non se aplica aos datos diarios, só ás medias semanais. A media semanal segue en risco alto para este indicador.

En todo caso, o elevadísmo 15% de hoxe reflicte un fracaso parcial do SERGAS. Certo é que a Xunta está a lograr facer moito máis test e así conseguiu manter a taxa de positividade un banzo por baixo dos indicadores de contaxios. Lamentablemente, este gran labor vese embazada cada vez que hai unha ponte ou fin de semana. Se deploman entón as probas e dispárase a taxa de positividade. Dada a situación, non sería mellor reforzar o persoal para facer cuantos máis test sexa posible?

EVOLUCIÓN DOS CASOS ACTIVOS

O total de infectados ascende hoxe un 3,7%.  Isto axuda a que a media semanal complete outro pasito na boa dirección, caendo   de   4% a  3,7%. 

Isto quere dicir que cada día o SERGAS debe lidar con máis casos activos. Afortunadamente, cada día que pasa a proporción de casos activos que chega a maiores é un pouco menor. Cando a media semanal chegue a 0, xa non haberá máis e máis enfermos cada día. 

Cando chegaremos a este punto de inflexión? Na última semana a curva da derivada de casos activos baixou 1,3 puntos. Así que, de seguir este ritmo, quédannos  dúas semanas e pico para o pico de casos activos. Sería un milagre conquistalo antes de fin de ano. 

En termos absolutos, as porcentaxes de hoxe equivalen a un ascenso de +508 . O total é de  casos activos é de   15.856  . Estamos a crecer a un ritmo duns 600 enfermos ao día, así que a fin de ano chegaremos na contorna dos 22.000 casos activos.

DATOS POR ÁREAS

Vigo (508) e  Pontevedra (222) sonlos distritos que máis positivos comunican hoxe. Son tamén os distritos con maior presión hospitalaria. 

Máis datos a nivel municipal e de distrito de o SERGAS nuns minutos noutra noticia de Galiciapress.

CONCLUSIÓNS

Con estas cifras sobre a mesa, pódese inferir que:

• A pandemia está descontrolada no que a contaxios refírese. É probable que o mércores, cando se normalice o ritmo de PCRs, teñamos unhas cifras récord de contaxios.
• A pandemia segue relativamente controlada no que a hospitalizacións se refire. Certo é que nos dous últimos días sumamos +20 no cómputo de enfermos en cama convencional, pero é que os días equivalentes da semana pasada foron +32. Este luns temos dous pacientes menos encamados que o pasado luns. É indiscutible que se produciu un moi sorprendente parón na curva de hospitalizaciónes. A cuestión crave é por que?  






• A primeira vista hai dúas hipótese que puidesen explicar este estraño comportamento. As dúas hipóteses non son excluíntes. A primeira é que a xeneralización da terceira dosis entre os maiores de 60 fai que haxa menos enfermos graves. A segunda hipótese é que Ómicron, polo menos ao principio, causa síntomas máis leves que Delta. 
• Son os epidemiólogos do SERGAS os que deben valorar esta e outras posibilidades. O seu papel non é nada fácil. Polo de agora, o ritmo de hospitalizacións non é alarmante, pero si o de positivos. A cuestión é canto pode aguantar o sistema con tantos positivos diarios, pois isto, aínda que non sature as UCI, pode chegar a colapsar a xa moi golpeada Atención Primaria.