Promoción dos alimentos de proximidade nos comedores escolares de 8 puntos de Galicia

Algunhas administracións parece que aprenderon grazas aos problemas de subministración provocados pola pandemia de coronavirus que é clave manter a seguridade alimentaria mediante a produción de produtos locais.

A Xunta repartirá máis de 600 quilos de produtos agroalimentarios a preto de 1.650 escolares galegos repartidos entre oito colexios entre este luns, 13 de decembro, e o vindeiro martes, día 21, para elaborar os menús de Nadal. Os produtos, que "destacan pola súa calidade", acóllense a indicacións xeográficas protexidas e denominacións de orixe.

A iniciativa enmárcase na rede 'Mercaproximidade', unha canle alternativa de comercialización habilitado pola Administración autonómica ao comezo da pandemia para "garantir" que as producións do sector primario galego "atopaban saída nas principais cadeas de distribución".

En concreto, os colexios beneficiarios destes menús serán dous por provincia: Vos Muiños de Muxía e o Vicente Otero Valcárcel de Carral, na Coruña; o Domingo Fontán de Portas e o centro Antonio Blanco Rodríguez de Covelo, en Pontevedra; os colexios plurilingües do Páramo e Riotorto, en Lugo; e os centros Antonio Faílde de Coles e o Carlos Casares de Xinzo de Limia, en Ourense.

As comidas de Nadal nos distintos colexios comezarán unha vez clausurouse a segunda edición da campaña 'Come local', un proxecto que tamén forma parte da rede 'Mercaproximidade' e que promoveu o consumo de produtos acollidos a indicacións xeográficas e denominacións de orixe nunha vintena de colexios.

Ademais destas dúas iniciativas, a rede tamén distribuíu produtos galegos en hospitais, bancos de alimentos e cociñas económicas, á vez que levou a cabo campañas en redes sociais baixo os hashtags '#EuVoudeSuperfeirón' e '#FeirónNaCasa'.