Outro terremoto fronte a Galicia, o sétimo desde o venres

O do domingo é o segundo tremor máis forte despois do da madrugada do xoves, que se deixou sentir en poboacións desde O Barbanza ata A Mariña.

O Instituto Xeográfico Nacional (IGN) rexistrou na mañá deste domingo un terremoto de magnitude 3,3 na escala de Richter, o sétimo con epicentro no Mar Cantábrico notificado desde a madrugada do venres, cando se produciu o primeiro de 4,4 graos.

En concreto, o sismo produciuse ás 9,47 horas ao norte de Viveiro (Lugo), a escasas millas do rexistrado o venres. Ademais, é o segundo máis forte do últimos tres días.

E é que ao longo da fin de semana fóronse rexistrando outros cinco terremotos máis pequenos que oscilaron entre os 2,2 e os 2,7 graos de magnitude Richter.

O máis forte de todos eles, o de 4,4 ás 4,32 da madrugada do venres, sentiu en decenas de municipios galegos das provincias de Lugo e A Coruña, aínda que en ningún deixou incidencias destacables.