Covid por concellos: A Coruña e a súa área manteñen a súa desescalada e Santiago permanece en risco baixo

O mapa da incidencia acumulada semanal de coronavirus por municipios mostra un día máis como o azul claro ten unha presenza maioritaria en toda a comunidade, o que evidencia que a nova normalidade é a tónica xeral nestes momentos en case toda Galicia.

A Coruña é a única cidade de Galicia que hoxe baixa cunha variación de catro casos menos, pero nestes momentos a preocupación céntrase en Santiago de Compostela, xa que a capitalm galega parece experimentar un aumento de casos durante a ponte do Pilar e é a única das sete urbes fóra da nova normalidade.

Co cambio de nivel de Vilariño de Conso hai uns días xa non quedan concellos cunha incidencia superior a 250 casos por cada 100.000 habitantes.

Nota metodolóxica.- Cando un municipio ten menos de 10 positivos á semana, a Xunta non concreta cantos diagnosticos houbo, só indica "entre 1 e 9". Isto impide calcular a razón de taxas ou canto cambia o cómputo semanal dun día a outro. Esta opacidade afecta sobre todo os municipios máis pequenos, pois é onde é máis difícil que haxa 10 ou máis positivos a a semana. Con todo, en épocas de moi pouca incidencia de covid, esta opacidade afecta tamén a concellos máis grandes, porque as urbes empezan tamén a contar menos de 10 á semana. En todo caso, a Xunta si detalla o nivel de incidencia acumulada en cada municipio todos os días, polo que as cores do mapa se corresponde ao nivel actual  de alerta en semáforo covid para a incidencia acumulada en todos os concellos. 

VARIACIÓN SEMANAL

A razón de taxas permítenos saber se un territorio está a gañar ou perdendo positivos desde unha perspectiva semanal. Por exemplo, a razón de taxas de Galicia é de  0,86; o que quere dicir que na última semana houbo un 14% menos de positivos que na penúltima. 

Municipios con máis de dez positivos á semana e onde os positivos están baixando desde un punto de vista semanal, pois a razón de taxas é inferior a 1: 

• Vigo: 0,96
• A Crouña: 0,62

Municipios con máis de dez positivos á semana e onde os positivos están subindo desde un punto de vista semanal, pois a razón de taxas é superior a 1: 

• Santiago de Compostela: 1,30

VARIACIÓN DIARIA

Comparando o cómputo semanal dun territorio hoxe co seu cómputo semanal onte, non podemos saber cantos novos positivos saltaron no último día, pero si cal é a tendencia máis recente da pandemia nesa localidade.

Hoxe non se rexistran concellos cun cómputo semanal maior de 10 e cuxo total de positivos na última semana suba hoxe respecto a ese total onte. En cambio, si atopamos un concello  cun cómputo semanal maior de 10 e cuxo total de positivos na última semana baixa hoxe respecto a ese total onte:   

• A Coruña .-4

TODOS Os MUNICIPIOS

A evolución dos positivos en todos os concellos de Galicia pode consultarse no buscador desta táboa:

EVOLUCIÓN DOS CASOS ACTIVOS POR ÁREA

En canto ás infeccións activas, tras o lixeiro repunte rexistrado este martes ao que proseguiu unha baixada ao día seguinte, este xoves volve producirse unha caída ata 466, que supoñen 29 menos.

Os casos activos unicamente aumentan en Ourense (+1) e mantéñense estables en Ferrol, mentres diminúen en Vigo (-10), Lugo (-6), Pontevedra e O Salnés (-5), A Coruña e Cee (-5) e Santiago e Barbanza (-4).

Deste xeito, a área da Coruña e Cee mantense á cabeza co maior número de infeccións activas, 147; seguida pola de Vigo, con 87; Ourense, con 73; Santiago e Barbanza, con 64; Lugo, con 60; Pontevedra e O Salnés, con 26; e Ferrol mantense á cola, con nove.

POSITIVOS HOXE E PRESIÓN HOSPITALARIA POR ÁREA

Os casos activos de covid-19 en Galicia mantéñense en descenso este xoves e caen ata os 466, mentres os novos contagios redúcense a 16, o que supón pouco máis da metade que os rexistrados o día anterior.

Segundo datos difundidos este xoves pola Consellería de Sanidade con rexistros ata as 18,00 horas da xornada anterior, os casos activos han diminuído en 29 ata os 466 e os pacientes con esta enfermidade que se atopan hospitalizados reducíronse lixeiramente en dous ata os 43.

En concreto, as persoas ingresadas en UCI subiron a 10 --unha máis--, pero as que permanecen noutras unidades reducíronse a 33 --tres menos--. Ademais, por áreas sanitarias, a presión hospitalaria aumenta lixeiramente na Coruña, Ferrol e Santiago e mantense estable en Pontevedra, pero decrece en Vigo, Lugo, Santiago.

Na Coruña, hai catro persoas en unidades de críticos --dous máis-- e 16 en planta --uno menos--, mentres en Vigo unha mantense en UCI e baixan a sete as que se atopan noutras unidades --dúas menos--. En Lugo tamén tres pacientes seguen en UCI e redúcense a un os que están en planta --dúas menos--.

Mentres, a área de Santiago e Barbanza prosegue con seis hospitalizados en planta e queda sen ningún en críticos. Pontevedra e O Salnés mantense cun paciente Covid en UCI e outro en planta e Ourense segue unicamente cun en críticos e incorpora outro a outras unidades. Ademais, Ferrol volve contar cun paciente hospitalizado en planta por este coronavirus.