A Xustiza investiga ao director do CIS, Tezanos, por malversación por mor dunha denuncia de Vox

A formación neofascista acusou o sociólogo de manipular as enquisas do instituto público para favarocer ao Partido Socialista. O xuíz deu credibilidade á denuncia e Tezanos deberá dar explicacións.

José Félix Tezanos @ep

O Xulgado de Instrución Número 29 de Madrid citou a declarar en calidade de imputado o 29 de outubro, ás 12.30 horas, ao presidente do Centro de Investigacións Sociolóxicas (CIS), José Félix Tezanos, por mor dunha querela interposta por Vox por un presunto delito de malversación de fondos públicos.

Fuentes xurídicas informaron que o maxistrado instrutor xa fixou data para a comparecencia. A decisión ten lugar despois de que a Fiscalía interesase ao Xulgado que arquivase a querela ao considerar o que se expón "son meras sospeitas, conxecturas, que relacionan de forma non adecuada, a ineficacia na realización de enquisas coa administración fraudulenta da institución CIS".

A querela interposta pola formación liderada por Santiago Abascal sostén que o funcionamento do CIS desde que Tezanos foi nomeado presidente en 2018 é "irregular". Acúsalle, entre outras cousas, de manipular a forma de facer as enquisas para beneficiar ao PSOE.