Onente Gaming, o centro de lecer para gamers, estará no novo centro comercial de Vialia Vigo

A poucos días da apertura do novo centro comercial Vialia Estación de Vigo Nhood anunciou a incorporación de Onente Gaming, un centro de lecer e entretemento para "gamers" onde os xogadores, tanto novos como adultos, poderán gozar de eventos, torneos ou actividades formativas.

Deseño do futuro centro comercial Vialia Vigo 

Con máis de 100 metros cadrados de superficie, o local será o segundo que abra en Vigo e ofrecerá aos seus xogadores ordenadores gaming, un espazo para videoconsolas onde poderán participar ata seis xogadores; ademais de equipos con procesadores AMD Ryzen 7 e unha tarxeta gráfica Nvidia RTX 3060 cos que se poderá sacar o máximo rendemento a xogos tan populares como Fortnite, League of Legends, Valorant, ou Call of Duty.

Situado na planta baixa do centro comercial, os xogadores terán que reservar previamente o seu tempo de xogo para poder acceder ás instalacións e utilizar os equipos de maneira individual, así como para interactuar con outros participantes.

Desta maneira, Onente Gaming converterase nun punto de encontro para os amantes dos videoxogos e fará de Vigo un referente máis de competición a nivel nacional á altura de cidades como Madrid, Barcelona ou Sevilla.