A posible relación sentimental dunha funcionaria de prisións de Pereiro cun preso provoca a súa suspensión
Unha traballadora do centro penintenciario de Pereiro de Aguiar (Ourense) permanece suspendida de emprego e soldo desde o pasado 30 de agosto tras a apertura dun expediente ante as sospeitas de que mantiña unha relación afectiva cun dos internos do cárcere.
A súa suposta parella sentimental foi traslado a outro cárcere mentres a Xustiza investiga se a traballadora cometeu un delito.
POSIBLE DELITO
A suspensión cautelar desta empregada pública da prisión ourensá foi ditada pola Secretaría Xeral de Institucións Penal, que remitiu aos xulgados as dilixencias do caso ante a posibilidade de que sexan constitutivos de delito.Por este motivo, a traballadora está suspendida de emprego e soldo desde o pasado 30 de agosto. Segundo adianta A Voz este martes, a empregada está investigada por supostamente manter unha relación afectiva consentida cun dos presos, que foi trasladado a outro centro penal.
Os feitos que se lle imputan poderían constituír unha falta moi grave do Estatuto Básico do Empregado Público por infrinxir as medidas de seguridade interior do centro establecidas no Regulamento Penal vixente desde o ano 1996.
Con todo, a investigación xudicial tamén deberá esclarecer se as relacións producíronse nun marco de contraprestacións entre a traballadora e o interno. Neste caso, a empregada expoñeríase a ser acusada dun delito de suborno.
Escribe o teu comentario