Dan por extinguido o incendio de Ribas de Sil, o máis grande no que vai de ano en Galicia con 1.600 hectáreas

|

Os datos oficiais cifran en 1.592,9 as hectáreas arrasadas no incendio de Ribas de Sil. 


Máis dun milleiro do terreo queimado corresponden a monte arborizado. Pasaron dez días desde que se declarou ata a súa extinción. 


Cemiterio da parroquia de Rairós, pertencente ao municipio de Ribas de Sil, ao 9 de setembro de 2021, en Ribas de Sil, Lugo, Galicia (España). O incendio declarado na parroquia de Ribas de Sil do municipio homónimo foi dado por controlado áIncendio de Ribas de Sil | Foto: EP


O gran incendio forestal de Ribas de Sil (Lugo), declarado na parroquia homónima, quedou extinguido este martes máis dunha semana despois de que se iniciase o 6 de setembro. En total, arrasou 1.592,9 hectáreas, das cales máis dun milleiro foron monte arborizado e 556 monte raso. Trátase do peor lume no que vai de ano en Galicia.

Este foi un foco secundario do lume que se declarou en Ribas de Sil o 5 de setembro, tamén extinguido e que afectou a 140 hectáreas. En conxunto, a superficie queimada por ambos os incendios supera as 1.700 hectáreas.

O gran incendio agora extinguido tamén afectou os municipios limítrofes de Quiroga e A Pobra do Brollón. A súa proximidade a casas chegou a obrigar a activar a Situación 2.

Nas tarefas de extinción participaron 14 helicópteros, oito avións, 15 pas, 63 motobombas, 66 axentes e 147 brigadas, así como persoal da Unidade Militar de Emerxencias (UME).

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress