Localizan ao veciño de Vigo de 63 anos desaparecido o pasado mércores

A familia xa puido poñerse en contacto con el tras case unha semana desaparecido. 

A Asociación SOS Desaparecidos confirmou a localización de Manuel Silva López, un vigués de 63 anos de idade, que permanecía en paradoiro descoñecido desde a pasada semana.

Así, desactivouse a alerta por esta desaparición, posto que Manuel xa se atopa en contacto cos seus achegados, que trasladaran a súa preocupación ao non ter noticias súas e, especialmente, porque o home necesita medicación.

Silva López fora visto por última vez o mércores da pasada semana e poucos días despois difundiuse a alerta pola súa desaparición por parte de SOS Desaparecidos.