Robe Iniesta tocará por fin en Galicia, pois visitará A Coruña coa súa nova xira en solitario

Boa noticia para os seguidores do rockeiro, que quedaron coas ganas ao atrasarse primeiro e cancelarse finalmente os concertos dos disoltos Extremoduro.

Robe Iniesta (Extremoduro) anunciou este mércores os detalles dunha nova xira que ofrecerá este ano 2021, unha vintena de concertos en solitario que arrincará o próximo 4 de setembro en Granada, para continuar por outras cidades españolas como Valencia, Madrid, Murcia, Bilbao ou A Coruña.

Así o deu a coñecer o propio guitarrista, cantante e compositor de Extremoduro durante un evento celebrado no Círculo de Belas Artes de Madrid. A xira será a presentación do seu último traballo 'Mayéutica'.

Debido á situación actual marcada pola pandemia, irase informando do estado de cada concerto polas canles oficiais, activando as entradas de cada un deles 15 días antes do mesmo, desde a web oficial. Iniesta confirmou que se anunciarán máis concertos para datas a partir de maio de 2022.

Tras a súa primeira xira en solitario en 2017, Iniesta visitará en entre setembro e novembro Selecta, Valencia, Rivas Vaciamadrid (Madrid), Fuengirola (Málaga), San Fernando (Cádiz), Mérida, Sevilla, San Sebastián, Santander, Plasencia, Murcia, Alacante, Pamplona, Navarra, A Coruña, Bilbao, Zaragoza, Avilés (Asturias), Valladolid e Barcelona.