Santiago chega ao apoxeo do Apóstolo cun subida récord do covid e Bugallo pide prudencia

|

O cómputo de positivos a 14 días pasou de 374 onte a 470 hoxe. Son 98 máis, o maior incremento diario en toda a pandemia en Compostela.


Ante o agravamento da situación, o alcalde advirte de que as restricións poden facerse máis duras, aínda que por agora están en nivel medio.




O alcalde de Santiago, Xosé Sánchez Bugallo, advertiu este venres da evolución "negativa" da pandemia que vive a capital galega, "especificamente desde o día 1 de xullo", e non descartou que empeore unha vez pasen as festas do Apóstolo.

Nunha rolda de prensa ofrecida este venres, o rexedor sinalou que a incidencia da cidade compostelá está "por baixo da media española e da media galega", pero insistiu en que segue "empeorando".

QUE PASA COS PEREGRINOS?
Ademais, Santiago é "o centro turístico de Galicia" e recibe moitos visitantes non só ao longo da semana das festas, senón tamén durante o verán. Por iso, aínda que non quixo vaticinar se isto conlevará unha aínda máis negativa evolución da pandemia, si pediu un "esforzo" por parte de todos: "Está no noso alcance evitalo".

Así mesmo, preguntado sobre as palabras do presidente da Xunta, Alberto Núñez Feijóo, sobre o colapso dalgúns albergues do Camiño de Santiago como consecuencia das limitacións de aforo, o alcalde negou que isto estea a ocorrer na cidade como si acontece noutros ámbitos como o transporte público, segundo o exemplo que mencionou.

 Con todo, Bugallo evitou cuestionar as medidas nos aloxamentos de peregrinos impostas pola Administración galega, xa que debe ser precisamente esta a que "valore desde o punto de vista da normativa sanitaria o que debe prevalecer".

"Son partidario de respectar os criterios sanitarios por encima de todo. Por tanto, sempre acatarei as decisións que tomen as autoridades sanitarias competentes", recalcou, xa que, ao seu modo de ver, as institucións deben evitar xerar "desconfianza" e "incerteza" respecto diso.

Neste contexto, ante o empeoramento da incidencia na capital galega --aínda que, por agora, mantense en nivel medio de restricións--, Bugallo non ve "descartable" que haxa que "adoptar outro tipo de medidas" nun futuro.


Mq8BG coronavirus no concello santiago evoluci n recente nbsp



Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress