​(VÍDEO) Así llas gasta 'Coco' Rey, o vigués que domina os ceos coas súas acrobacias e dúas medallas

Manuel 'Coco' Rey, piloto acrobático natural de Vigo, vén do Campionato de España de Voo Acrobático disputado recentemente con dous preseas ao pescozo.

Nesta ocasión, vén cunha prata e un bronce, tendo en conta que Cástor Fontoba revalidou o título de campéon de España.

Como non podía ser doutra forma, o Campionato de España foi unha competición de altos voos. A máxima competición nacional de voo acrobático levoulla Cástor Fantoba, que defendía título e partía como favorito, pero coa gran consagración de Manuel 'Coco' Rey, que levou a Vigo un bronce e unha prata nas modalidades de Freestyle e limitado respectivamente.

O galego non puido superar a Fantoba, que ademais de dominar o campionato de España -acumula xa once ouros- é aínda subcampión do mundo na modalidade de Freestyle. Con todo, si plantou cara ao navarro nun campionato que referendou a tendencia á alza desta competición entre os afeccionados.

Con 2.640 puntos cultivados en Freestyle e os 5.047,1 puntos conseguidos en limitado conquistou as dúas medallas. Ademais, no Open de España, disputado noutra manga pola crise sanitaria, alcanzou outro terceiro posto no caixón.    

Coco Rey, de azul co bronce | Foto: CEVA