"O teu futuro é máis claro que a auga", campaña dun FP no que o 70% dos mozos conseguen emprego

Atraer a pontenciales alumnos ao FP de Redes e Estacións de Tratamento de Auga. Este é un dos obxectivos da campaña "O teu futuro é máis claro que a auga".

É unha iniciativa da empresa de xestión de auga Viaqua xunto á Xunta de Galicia e a o CIFP Politécnico de Santiago de Compostela.

Cartel promocional da campaña na Praza Roxa de Santiago 

Trátase dun ciclo de formación profesional dual. É dicir, os estudantes acoden ás aulas á vez que á compañía, coñecendo in situ como se xestiona unha rede. “As persoas que realicen a Formación Profesional Dual Water contarán cunha formación especializada, que implica o dominio de ferramentas adaptadas á realidade laboral actual, facilitando a eficiencia e mellora continua dos servizos que presta.” - comenta Alicia Royo, Directora de recursos humanos de Viaqua. 

Este FP leva en marcha desde fai catro anos e, por agora, os resultados indican que seguirá en marcha máis tempo. Segundo a empresa, "ten unha taxa de inserción laboral superior ao 70% entre os mozos menores de 25 anos", algo moi atrayente para os mozos galegos, que se enfrontan a taxas de desemprego a miúdo superiores ao 50%. 

PRAZOS E FORMA DE ANOTARSE

O prazo de inscrición abrirase na segunda quincena de xuño e permanecerá aberto ata completar as 15 prazas ofertadas. Os interesados deberán inscribirse no propio centro CIFP Politécnico de Santiago ou en calquera centro que ofreza a modalidade de FP Dual. 

As prácticas realizaranse en diferentes centros Viaqua situados nas catro provincias galegas, nos que pasarán por diferentes traballos relacionados co ciclo urbano da auga: Depuradoras de Augas Residuais (EDAR), Depuradoras de Auga Potable (ETAP) e obra de rede.

A campaña "O teu futuro é máis claro que a auga" empeza agora en Santiago pero pasará por outras cidades galegas. Para os seus organizadores estamos ante "un exemplo de colaboración público-privada que combina o coñecemento específico das empresas operadoras coa planificación dunha oferta formativa axustada ás demandas profesionais do sector e da sociedade".