​Ferrovial Servizos incumpre o contrato para a limpeza sanitaria e a Xunta “mira cara a outro lado”, denuncia UXT

|

A Unión Xeral de Traballadores denuncia os “graves incumprimentos” de Ferrovial Servizos na limpeza sanitaria.


Segundo o sindicato, a empresa vulnera o acordado na área sanitaria de Lugo, A Mariña e Monforte de Lemos.


Un traballador da limpeza varre as inmediacións do Hospital de Lugo.

Exteriores do hospital de Lugo | Foto: EP


Hai dous meses que Ferrovial Servizos S.A. Adxudicouse a limpeza da área sanitaria de Lugo e, desde entón, UXT denunciou de forma reiterada “irregularidades e incumprimentos” no servizo. Dous meses despois, os traballadores e traballadoras da compañía carecen do sistema de limpeza con microfibras e das uniformidades solicitadas, como tampouco dispoñen dos vehículos eco-cero.


Estas carencias, pese ao compromiso da empresa, supoñen un “grave incumprimento” do acordado en “os pregos de condicións na área sanitaria de Lugo, A Mariña e Monforte de Lemos”. “Nestes momentos, en plena pandemia, as persoas traballadoras están a atoparse con reducións de xornada no momento que máis necesarias son, tanto para o persoal dos centros como para os propios usuarios dos mesmos”, advirte tamén o sindicato.


Do mesmo xeito, desde o sindicato denuncian a permisividade da Xunta de Galicia. “Non damos crédito a que esta situación estea a producirse sen que se tomen medidas sancionadoras, salvo que alguén estea moi interesado en non sacar estes feitos á luz”, manifesta UXT.


A continuación, o sindicato subliña xa que non vai “permitir ” esta conduta nun servizo “ vale millóns de euros, xerados polos impostos de todos os lucenses”. Por isto, insta as autoridades a que apliquen “as medidas necesarias” e que realicen un seguimento para que Ferrovial cumpra cos seus compromisos.   

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress