Os sindicatos do BBVA anuncian mobilizacións contra o ERE da entidade para o 10 de maio

|

A Coruña, Vigo, Ourense e Lugo acollerán mobilizacións convocadas polos sindicatos presentes na mesa de negociación contra o ERE do BBVA. 


Os sindicatos acordaron "unha fronte unitaria para dar resposta á ameaza de despedimento colectivo que a dirección do banco formulou". 


Edificio da sede de BBVA en Madrid, coñecido como ‘A Vela’, ao 22 de abril de 2021, en Madrid (España).Oficinas do BBVA | Foto: EP


As organizacións sindicais con presenza na mesa de negociación do ERE de BBVA convocaron unha mobilización conxunta para o próximo 10 de maio ás 18,00 horas en Galicia.


Convocadas en todo o Estado, na comunidade galega serán catro concentracións ante as oficinas principais da Coruña, Vigo, Ourense e Lugo.

A CIG, que informa destas protestas, chama a defender os postos de traballo ante os despedimentos masivos que prevé a entidade, e que na comunidade galega afectan segundo o proposto a 111 empregos da rede e a outros 11 da dirección territorial.

Segundo a central nacionalista, acordouse "unha fronte unitaria para dar resposta á ameaza de despedimento colectivo que a dirección do banco formulou".

A idea é mostrar o rexeitamento "unánime" ao reaxuste do persoal e "loitar para que non se produza ningún despedimento forzoso". Os sindicatos ven "inadmisible", de feito, que unha entidade como BBVA pretenda "que sexan os traballadores os que paguen a súa reestruturación".

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress