Un vehículo sen carné e un camión chocan en Melide provocando a morte dunha persoa maior
Unha persoa de idade avanzada faleceu na tarde deste xoves nun accidente de tráfico rexistrado ao chocar o coche que conducía cun camión no termo municipal de Melide (A Coruña).
O accidente produciuse esta tarde na estrada nacional que vai a Lugo, preto da conexión co Polígono Industrial de Melide.
Helicóptero do 061 nunha foto do twitter de helicosantiago
Unha persoa de idade avanzada faleceu na tarde deste xoves nun accidente de tráfico rexistrado ao chocar o coche que conducía cun camión no termo municipal de Melide (A Coruña).
Segundo os datos facilitados polo 112 Galicia a Europa Press, o servizo de emerxencias recibiu o aviso deste sinistro sobre as 15,40 horas deste xoves por parte dun particular.
En concreto, o choque se produciu na estrada N-547 na saída de Melide dirección Lugo, chegando ao polígono industrial da zona, concretaron as mesmas fontes de emerxencias.
CHEGA O HELICÓPTERO PERO O HOME XA MORRERA
Tras a alerta, o 112 avisou ao 061, así como aos Bombeiros de Arzúa, Protección Civil e á Policía Local. Tamén interviñeron axentes da Garda Civil de Tráfico.O 061 enviou ao lugar o helicóptero medicalizado con base en Santiago de Compostela, pero o persoal sanitario só puido confirmar o falecemento do condutor do coche, un vehículo para o que non se require carné, apuntaron as mesmas fontes.
Escribe o teu comentario