A Xunta apoia a celebración de máis de 400 concertos en 28 salas no marco do Xacobeo 2021

Preto dunha trintena de salas beneficiaranse das axudas da Xunta de Galicia para o desenvolvemento de espectáculos en vivo. 

"Tamén se pretende recuperar a confianza do público na asistencia aos espectáculos, garantindo a seguridade en teatros, auditorios e demais recintos, en cumprimento estrito das medidas sanitarias en vigor", comentan desde o Goberno autonómico. 

O programa se encarca na celebración do Xacobeo 2021 | Foto: EP

A Xunta de Galicia fixo pública a adxudicación da convocatoria extraordinaria de subvencións a salas persoais habilitadas legalmente para organizar espectáculos musicais con público, "a través da que contribuirá ao desenvolvemento de máis de 400 concertos nos 28 espazos beneficiarios", informa.

A convocatoria, con un investimento de 560.000 euros e inserida no marco do Xacobeo 2021, responde a plan de reactivación da cultura fronte á Covid-19 "co obxectivo de achegar liquidez a este tipo de espazos, tanto para aliviar os efectos económicos do seu peche debido ás restricións aplicadas durante a pandemia, como para retomar a súa actividade".

Con tal fin, explica a Administración autonómica, destínanse 20.000 euros a cada unha das salas subvencionadas para o desenvolvemento dun mínimo de 15 actuacións ao vivo ata o 31 de outubro como parte da programación musical do Xacobeo 2021, ademais de para asumir os custos de persoal e mantenimientode os locais.

O Goberno autonómico afirma que a iniciativa busca "contribuír á recuperación da actividade e preservar o emprego no conxunto do sector, tanto desde o punto de vista artístico como técnico".

"Tamén se pretende recuperar a confianza do público na asistencia aos espectáculos, garantindo a seguridade en teatros, auditorios e demais recintos, en cumprimento estrito das medidas sanitarias en vigor", engade.