Incendio forestal en Monforte causa un rebentón nun avión e queima xa polo menos 30 hectáreas (vídeos)

O lume está a se mover rápido, pois a Xunta actualizou o total de hectáreas queimadas de 20 a 30 pasada unha hora

O avión sinistrado está a ser reparado e Medio Rural di que volverá estar operativo pronto

Helicóptero traballando no incendio de Monforte nunha captura de imaxe do vídeo do twitter de Furon53 

Un incendio forestal que permanece activo na tarde deste mércores na parroquia de Marcelle do municipio lugués de Monforte de Lemos calcinou xa 20 hectáreas.

Diso informou a Consellería do Medio Rural, que sitúa o inicio das chamas ás 13,53 horas deste mércores na parroquia de Marcelle. 

 

Na zona traballan un técnico, tres axentes, sete brigadas, tres motobombas e medios aéreos. De feito, un dos avións que participan no dispositivo sufriu un rebentón nunha das súas rodas mentres se dispoñía a cargar auga na base de Doade.