(VÍDEO) A primavera ábrese paso en Galicia, onde volven as choivas para o inicio de Semana Santa

|

Despois dun longo inverno, a natureza comeza a gañar terreo nunha Galicia cada vez máis florida a medida que avanza a primavera.



Os animais saen dos seus agochos unha vez superados os meses de máis frío e os montes galegos xa notan a súa actividade, como é o caso destes esquíos filmados pola canle 'Fototrampeo Hipano', que recompila información sobre "a situación poboacional e de conservación do lobo" .







As imagenes, publicadas fai menos dunha semana, evidencian que a estación vai adueñandose dos montes galegos. Os sons dos esquíos e as aves do bosque son unha bo proba da tranquilidade que se respira neste medio. 


De feito, o bo tempo e o cambio de hora da pasada fin de semana sen dúbida atraerá a moitas persoas para visitar os parques naturais e montes galegos esta semana Santa. Así, os roteiros fluviais da Deputación de Pontevedra, por exemplo, suman case un milleiro de reservas para este período vacacional.



A natureza converteuse nun refuxio e un reclamo turístico para todos os que buscan abandonar as terrazas abarrotado e atopan no campo un ambiente moito máis seguro nestes momentos de crise sanitaria. Con todo, é importante recalcar a necesidade de conservar os nosos espazos protexidos en prol do medioambiente, polo que as autoridades insisten na obrigación de non ensuciar estes hábitats nin acender lumes non autorizados



Con todo, esta semana Santa estará marcada en moitos puntos de Galicia pola inestabilidade atmosférica. Mañá espéranse choivas en varios puntos do litoral galego que, a pesar de ser intermitentes e de baixa intensidade, supoñen un amolo para todos aqueles que contaban con estar ao aire libre no seu tempo de descanso.   


Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress