Os positivos de coronavirus en Galicia seguen nun chairo a pesar da mala evolución da área de Vigo

Os últimos datos do coronavirus en Galicia implican un repunte, aínda que lixeiro, na liña dos leves vaivéns da pandemia desde hai dúas semanas. 

A tendencia xeral dos positivos segue nunha chaira, a pesar do rebote que está a sufrir desde fai máis dunha semana a área sanitaria de Vigo.

Son 118 os positivos comunicados hoxe, que alzan a incidencia acumulada semanal menos dun punto, de 29,5 a 30,4. Abrindo o plano a dúas semanas a subida tamén é pouco significativa, de 62,7 a 63,5.

A taxa de positividade semanal tampouco cambia moito. Neste caso hai unha caída, de 2,2% a 2,1%, tras resultar positivos o 2,2% dos test PCR completados o domingo. O SERGAS está a lograr baixar este indicador, tras repuntar as semanas pasadas en parte á caída de positivos na ponte. Está por ver aínda como afecta a Semana Santa á cantidade de probas, pois os datos de hoxe proceden do sábado.

PORCENTAXE DE VARIACIÓN DE CASOS ACTIVOS

A cantidade de infectados sobe hoxe en varios distritos sanitarios, Vigo, Santiago e Pontevedra. A nivel galego, crece de 2.309 a 2.327. En termos porcentuais, isto significa un incremento do 0,8%. É a peor cifra desde hai case dous meses. 

Afortunadamente, o indicador máis relevante, a media semanal segue en valores inferiores a cero, o que significa que, desde un punto de vista a sete días, a tendencia de casos activos aínda é á baixa. Hoxe pasa de -1,2% a -0,8%. É posible que esta semana este indicador entre en algarismos positivos, o que siginificará que os infectados volven crecer desde o punto de vista semanal.

CONCLUSIÓNS

Da análise de todas estas estatísticas, pódese inferir que: 

• A pandemia continúa estable, seguindo a súa tónica desde principios de mes. Os positivos varían uns días á alza e outros á baixa, pero son case sempre fluctuaciones pequenas.
• Os datos deste domingo non son especialmente bos se os comparamos cos do domingo pasado. Con todo, hai que ter en conta que o domingo pasado foi un día excepcional, con moi poucos test.
• A fronte máis preocupante agora mesmo é a área sanitaria de Vigo, a pesar de que A Coruña continúa cos peores niveis. Vigo a única que presenta unha tendencia claramente á alza, tanto en positivos como casos activos, repunte que se iniciou a mediados de mes.
• Os indicadores de Galicia referentes á cantidade de positivos situán ao país en risco medio e é difícil que caian a risco baixo, teniendo en cuenta o previsible impacto da Semana Santa. A incidencia acumulada semanal necesita baixar a 25 e está en 30 cunha tendencia case plana. 

ÚLTIMOS DATOS POR ÁREAS SANITARIAS 

A Coruña lidera hoxe a cantidade de novos diagnósticos, con 35. Tamén é de lonxe a área con máis casos activos, case 850. Con todo, a tendencia do distrito é de descenso, lento pero perceptible. Pola contra a tendencia de Vigo, con 27 casos nas últimas 24 horas, é de crecemento. 

A mellor noticia do día é que Ferrol é a primeira área sanitaria de Galicia que queda sen enfermos críticos, algo non visto en todo o país este ano. Pontevedra e Ourense tamén están a piques de logralo, só teñen un paciente en UCI. A ocupación dos coidados intensivos só é destacable aínda na Coruña, con 14 enfermos graves. Unha boa noticia ante a eventual chegada dunha nova onda. Máis datos a nivel de área sanitaria e de concello nuns minutos en Galiciapress.

a