"Necesitamos máis solucións que axudas", claman hostaleiros ante a marcha do sábado

As débedas de moitos hostaleiros seguen sendo astronómicas.  O levantamento das restricións, aínda que permite a reapertura dalgúns negocios, apenas dá para cubrir gastos e non en todos os casos.

Obrigados a pechar ás 18 horas, con aforos limitados, reunións de non máis de catro persoas, con toda a terraza montada pero podendo utilizar só a metade das mesas, días de lluvía com hoxe... moitos son os impedimentos que impiden o despegamento dun sector necesitado de máis solucións cando se cumpre un ano do confinamento.

Álex Iglesias, presidente da Asociación de Hosteleiros e Empresarios do Deza, explica para Galiciapress que a mobilización que prepara o sector para este sábado busca ser "ordenada pero multitudinaria" e demostrar a unidade que existe na hostalería galega.

Manifestación de hostaleiros en Santiago de Compostela | Foto: EP

O sábado 13 de marzo será o aniversario dunha data triste que nos fai retroceder aos albores da pandemia en España, ao amencer dunha crise sanitaria que ha ramificado en moitas crises que afectan moitos estamentos da sociedade. O 13 de marzo de 2020 comezou o confinamento en España e a hostalería botou o cadeado para, nun principio, reabrir unhas semanas despois, cando o país mellorase as súas cifras.

Pasaron case 365 días desde entón e moitos enreixados seguen baixadas nos bares de España, incapaces de sobrepoñerse a est secuela que arrasou con moitos negocios sen o suficiente músculo económico como para sobrevivir aos continuos peches e aperturas con restricións que os acosan.

“É o cabo de ano do primeiro día de confinamento. Disto hai un ano e queremos conmemorar esa data ante a Xunta para que nos escoiten e por iso convocamos a todos os Concellos de Galicia e todas as asociacións de hostalería para que se unan”. O que fala é Álex Iglesias, presidente da Asociación de Hosteleiros e Empresarios do Deza e un de tantos profesionais que se está vendo afectado por esta situación que o obrigou a celebrar a enésima reapertura do seu negocio. “O inicio desta desescalada está a ser máis duro que outras veces porque o cliente está un pouquiño remiso e nótase”, lamenta Iglesias, que percibe “certo medo” entre os consumidores, o que favoreceu a que non se produza “a afluencia que si houbo en novembro ou no verán”.

A este medo xeneralizado hai que ter en conta un certo cambio nos hábitos de consumo polos horarios impostos . “Estamos a ver que ou ben alongan o vermú para comer tarde ou directamente comen moi pronto para rematar cunhas copas e arrincar ás 18 horas”, comenta Iglesias. Con todo, ao pechar tan pronto, as restricións nótanse especialmente entre semana, cando antes, os martes de Champions League, por exemplo, “era días de moito trajín, pero entre semana nótase un bajón tremendo”.

UNHAS LIMITACIÓNS ABUSIVAS

Moitos hostaleiros critican que o levantamento das restricións non é suficiente e denuncian que as limitacións horarias son unha laxa demasiado pesada para o sector. Iglesias é desa mesma liña de pensamento e comparte que unha apertura ao 100% “é inviable polo tema sanitario”, aínda que avoga por unha reapertura “cunhas restricións máis abertas”. 

“Un restaurante que ten que traballar co 30% en interior pero só o 50% do día fai que o aforo nin sequera sexa do 30%, xa que iso non dá nin para cubrir gastos, porque só podes dar un servizo e ningún negocio mantense así”, critica.

Ademais, o tope de catro persoas por mesa é outro dos puntos candentes. “Nós viviamos moito de comidas de empresa e nas fins de semana das familias, pero no meu caso por exemplo xa somos catro só na unidade familiar. É imposible quedar con máis persoas”, incide. “É unha situación moi difícil porque cada un ten a súa clientela pero todos pensamos que son restricións inviables”.

Neste escenario, moitas organizacións trasladaron á Xunta a necesidade de modificar as restricións actuais, unha posibilidade á que o Goberno de Galicia parece abrirse e que trasladará ao Goberno central. O propio Julio García Comesaña, conselleiro de Sanidade, deixou caer que a próxima semana poderían producirse cambios, aínda que non contemplan variacións en canto ao toque de queda ou ao peche perimetral da comunidade.

Así, a Semana Santa preséntase de momento cunhas perspectivas moi diferentes á que tiña o sector ata non fai tanto. Con todo, na Asociación de Hosteleiros e Empresarios do Deza argumentan que “é mellor que nos abran e traballar co turismo interior e os clientes galegos que forzar un pouco como pasou no verán e vivir unha caída como a de setembro”.

Esa apertura terá que vir inevitablemente da man de cambios no control de aforos, porque como advirte Iglesias, o feito de ter que montar toda a terraza pero precintar as mesas non dispoñibles está a provocar máis inconvenientes que vantaxes.

“Os controis de aforo das autoridades están a empezar, pero son medidas ilóxicas, porque moitos aproveitamos a situación para reducir os comedores e telos moito máis abertos, pero mándannos montar todas as mesas para rodear e apertar aos clientes con mesas bloqueadas cando non hai ningunha necesidade”, relata, á vez que recalca en como isto o que fai é entorpecer o servizo dos seus traballadores e restrinxe a mobilidade e comodidade dos clientes.

AXUDAS NON, SOLUCIÓNS SI

Con tantas limitacións, o sector confía en que as súas protestas sexan pronto escoitadas pola Xunta, que recentemente atendeu unha importante demanda do gremio, que solicitaba que ao novo plan de axudas puidesen acceder tamén aqueles negocios con débedas. “Parece que nos escoitaron. Non é unha tolemia, pero si un avance, porque ás veces tes a sensación de que estás a chamar a portas e non hai ninguén alén”, sinala Iglesias. Nesa liña, subliña que eles buscan “máis solucións que axudas, porque xa pasou un ano”.

A Xunta de Galicia, que finalmente modificou a condicións para accedera estas axudas, sostén que as partidas deste segundo paquete de axudas comezarán a cobrarse a semana que vén. Á sombra deste segundo plan de rescate, desde o Goberno autonómico critican que eles ofrecen “certezas” por as incertezas que lanza o Goberno de España en materia de axudas. Desde a asociación resístense a valorar estas palabras polo sinxelo feito de que, ata a data, “non escoitamos absolutamente nada”.

“Só sabemos o número que veu de Europa e non se dixo nada máis, nin sequera un plan de repartición. Agora só hai conxecturas: que se serán en créditos ICO, que se poden ser doutra maneira... Pero non hai nada escrito, e tal e como estamos, se non hai negro sobre branco ninguén o vai a crer”, asume Iglesias.

Chamada á manifestación o próximo 13 de marzo

Por estes motivos, desde a Asociación de Hosteleiros e Empresarios do Deza fan un chamamento a todo o sector para que se somen ás protestas do sábado 13 de marzo e celebrar unha mobilización “con orde pero multitudinaria”. “Como houbo moita unión na anterior con pequenas protestas moi repartidas, esta vez queremos esa mesma unión en Santiago, respectando a situación pero facendo moito ruído”, razoa Iglesias. “As xanelas de San Cateano son moi gordas, temos que facer moito ruído para que lles entre algo, porque hai que moverse e visibilizarnos unidos, que vexan a situación na que nos atopamos”, reclama unha hostalería que, a pesar de levar un ano escoitando badaladas de defunto, resístese a morrer.