Asociación de gardas civís protestan porque axentes galegos non foron vacinados
A Asociación Unificada de Gardas Civís (AUGC) emitiu este mércores un comunicado no que afirman que estes axentes "seguen sen ser vacinados contra a covid-19" en Galicia, mentres que o resto de Corpos e Forzas de Seguridade e funcionarios de prisións xa recibiron as súas doses.
Os beneméritos lembran que o Goberno lles pediu un esforzo especial para controlar a mobilidade e á hora de inmunizalos relégaos
A Asociación Unificada de Gardas Civís (AUGC) emitiu este mércores un comunicado no que afirman que estes axentes "seguen sen ser vacinados contra a covid-19" en Galicia, mentres que o resto de Corpos e Forzas de Seguridade e funcionarios de prisións xa recibiron as súas doses.
Guardia Civil vacinado en Málaga nunha foto difudinda pola AUGC
Tal e como lembran, segundo o protocolo establecido polo Goberno e aceptado pola Xunta, as Forzas e Corpos de Seguridade serían, despois dos sanitarios, os seguintes na vacinación.
Con todo, lembran, esta semana "empézase a vacinación de cidadáns entre os 50 e 55 anos mentres os gardas civís de toda Galicia seguen sen ser vacinados", cando "estes son os encargados da seguridade do 75% do territorio de Galicia".
O colectivo considera "indignante" esta situación, mentres que policías, funcionarios de prisións, bombeiros ou profesores están vacinados ou xa empezaron" a administración e despois de pedirlle aos axentes un esforzo especial nos controis.
Escribe o teu comentario