A melloría na área sanitaria da Coruña leva ao CHUAC para recuperar as cirurxías non prioritarias

|

Luís Verde Remeseiro, xerente da área herculina, recalca que, a pesar da melloría, é importante qe a cidadanía debe manter a prudencia e respectar as restricións.


Do mesmo xeito, evidencia que na área coruñesa a cepa británica xa representa máis do 80% dos casos totais. 


Arquivo - O xerente da área sanitaria da Coruña e Cee, Luís Verde Remeseiro, xunto a profesionais encargados de realizar as PCRRemeseiro con persoal sanitario| Foto: EP


O xerente da área sanitaria da Coruña e Cee, Luís Verde Remeseiro, asegurou que a baixada da presión hospitalaria polos casos de Covid permitirá "recuperar a senda da normalidade asistencial" e retomar "a programación cirúrxica dos pacientes non prioritarios".

Nun vídeo remitido aos medios de comunicación, destaca os resultados obtidos coas medidas postas en marcha para frear a expansión do Covid, ademais de agradecer o traballo dos profesionais sanitarios.

Sobre os cribados másivos, cifrou en máis de 200.000 as persoas convocadas nesta área, cunha participación de "máis do 60%" e "máis de 300 casos detectados". "Cadeas de transmisión que se frean", dixo o xerente que asegurou que esta e outras medidas permitiron "dobregar a curva" de incidencia.

Así, sinalou que nesta xornada hai "63 casos novos fronte aos 475 do 22 de xaneiro e 109 hospitalizados fronte a 317 a primeiros de xaneiro". Nas UCI, indicou que hai "52 pacientes, que seguen a ser moitos", admitiu, aínda que lembrou que ao 2 de xaneiro eran un total de 86.

Por outra banda, expuxo que das 13 unidades de hospitalización dedicadas a Covid pasouse a sete. "Isto vainos a permitir recuperar a senda da normalidade asistencial e volver realizar actividade en consultas de Atención Primaria dunha maneira máis ordenada, ocupar unidades de hospitalización coa súa finalidade e recuperar a programación cirúrxica dos pacientes non prioritarios".


"O VIRUS SEGUE AÍ"

A pesar destes datos, o xerente da área sanitaria insistiu en que "non hai que esquecer que o virus segue aí" e remarcou que na área sanitaria da Coruña e Cee "máis dun 80% da variante que circula é a británica, que ten maior transmisión e máis gravidade dos pacientes que se infectan".

Por iso, avanzou, continuarase cos cribados e facendo probas aos contactos, ademais de seguir coa vacinación. E, neste contexto, apelou á prudencia por parte da cidadanía á que instou a facer só aquelas actividades que sexan "imprescindibles".

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress