Datos covid por municipios: Lugo e Santiago poderían saír de risco extremo esta semana

|

O retroceso desta onda de coronavirus empezou pola Galicia máis rural e montañosa, pero xa empeza a notarse nas zonas costeiras.


Vigo e case toda a súa comarca xa abandonaron o nivel de risco extremo. Tamén outras zonas como O Barbanza ao completo, boa parte da Costa da Morte e a práctica totalidade da Mariña.


No interior das provincias da Coruña e Pontevedra o vermello, que indica máis de 250 contagios por 100.000 habitantes en dúas semanas, segue sendo o dominante. Pola contra, no leste das provincias de Ourense e, sobre todo, de Lugo, xa é minoritario.








As diferenzas por comarcas son agora especialmente importante. O presidente da Xunta apuntou que os primerios alivios da restricións á mobilidade poden supoñer a restauración das pasadas "améndoas", que permitían movementos entre municipios veciños en similar situación.


A revisión das limitacións será o luns. Ata entón a situación pode cambiar, pero os datos son alentadores, aínda que se cerne a sombra da deceleración da melloría a nivel galleg. Polo de agora, hoxe non hai ningún municipio cuxo cómputo de positivos a 14 días aumente en máis de 3 respecto a ese mesmo cómputo onte, algo xamais visto nesta onda. 


Os concellos que máis empeoran a súa incidencia fano con cifras moi modestas:


  • Camariñas +1
  • Laxe +1
  • Neda +1
  • Noia +1
  • Tordoia +1
  • Verin +1
  • Crecente +1
  • Oia +1
  • Illa de Arousa +1
  • Aranga +2
  • Ponteceso +2
  • Cuntis +2
  • Meis +2
  • Moaña +2
  • Ponche-caldelas +2
  • Redondela +2
  • Roseira (Ou) +2
  • Outeiro De Rei +3



Os municipios que máis melloran as súas cifras en termos absolutos son os máis habitados, as cidades e os concellos da súa periferia.



  • Ourense -43
  • Coruña (A) -39
  • Pontevedra -39
  • Santiago de Compostela -27
  • Narón -24
  • Arteixo -21
  • Vigo -18
  • Cambre -16
  • Soutomaior -14
  • Ames -11
  • Salceda de Caselas -11
  • Vilagarcía de Arousa -11
  • Ferrol -10
  • Oleiros -10
  • Culleredo -9
  • Ordes -9
  • Vilalba -9
  • Poio -9 


A evolución dos positivos en todos os concellos de Galicia pódese consultar no buscador da táboa ao final desta noticia.

EVOLUCIÓN DAS CIDADES


A contrario do que se podía esperar en principio, non son as urbes as que máis incidencia acumulada de Galicia teñen. Hai municipios máis rurais como Guitiriz que superan os 2.000 positivos por 100.000 habitantes en dúas semanas, cando a cidade con peores números é A Coruña, que anda polos 560. 


O que non quere dicir que a situación nas cidades sexa boa. Unicamente Vigo non está en nivel de alerta extrema, e só desde onte:



A seguinte cidade que debese saír de nivel de risco extremo é Lugo, aínda que a súa melloría perdeu brío nas últimas datas. En todo caso, a incidencia en Lugo baixou xa un 40% desde o pico desta terceira onda:



A Coruña continúa coas peores cifras entre todas as cidades, a pesar da súa continúa melloría desde finais de xaneiro. Do mesmo xeito que en Lugo, a melloría continúa, pero está a frearse:




E na cidade que primeiro empezou a dobrar a súa curva nesta terceira onda? O coronavirus en Santiago de Compostela  continúa á baixa e, afortunadamente, non dá indicios de frearse. De feito, de seguir así, Santiago podería saír de nivel de risco extremo esta semana:







EVOLUCIÓN DOS CASOS ACTIVOS POR ÁREAS SANITARIAS


As curvas de infectados en todas as áreas seguen á baixa. O descenso é notable en todas, aínda que parece máis pronunciado en Vigo, Santiago e Ourense.


A Comunidade galega suma 12.464 casos activos de coronavirus, o que supón unha caída de 588 e que se manteña a tendencia descendente rexistrada durante a última semana.

Os pacientes coa infección activa reducíronse en todas as áreas sanitarias. En concreto, a da Coruña e Cee conta con 3.844; Vigo, con 1.935; a de Pontevedra e O Salnés, con 1.634; a de Santiago e Barbanza, con 1.610; a de Ferrol, con 1.203; a de Lugo, con 1.129, e a de Ourense, con 1.109.


ÚLTIMOS DATOS POR ÁREAS 

Os novos contagios diarios reducíronse a 358 --12 menos-- dos que 310 diagnosticáronse por PCR. Destes últimos, 85 detectáronse na área da Coruña e Cee; 75 na de Vigo; 39 na de Santiago e Barbanza; 36 na de Pontevedra e O Salnés; 34 na de Lugo; 26 na de Ferrol e 15 na de Ourense.




Segundo datos actualizados este martes pola Consellería de Sanidade, hai 746 ingresados en planta --46 menos-- e 205 en UCI --19 menos--, o que eleva a 951 o número de persoas hospitalizadas con COVID-19 en Galicia. Claro que este alivio nas UCIS débese en parte ao elevado número de falecementos.

Os pacientes ingresados descenden na maior parte das áreas sanitarias, aínda que se observa un lixeiro repunte nos hospitalizados en planta en Pontevedra e O Salnés, así como nas UCI de Ourense, Verín e O Barco.

Nos hospitais da Coruña e Cee súmanse 201 persoas en planta --sete menos-- e 69 nas unidades de críticos --seis menos--, mentres que en Ferrol contabilízanse 108 en unidades convencionais --sete menos-- e 23 en UCI --dúas menos--.

Na área sanitaria de Santiago e O Barbanza tamén se rexistra unha tendencia descendente ao caer os ingresados en unidades de críticos a 30 --seis menos-- e os que se atopan en planta a 101 --catro menos--. Así mesmo, os centros hospitalarios da área de Vigo contabilizan 109 ingresados en planta --oito menos-- e 24 en UCI --uno menos--.

Os centros hospitalarios da área de Ourense, Verín e O Barco tamén presentan un retroceso no número de ingresados en planta, que pasa a 91 --12 menos--, aínda que sobe nun ata os 16 o correspondente aos que se atopan en coidados intensivos.

En cambio, en Pontevedra e O Salnés rexístrase un repunte nos hospitalizados en unidades convencionais, que aumentan en tres ata sumar 86, pero os que se atopan en UCI decrecen en cinco ata situarse en 17. Ademais, na zona de Lugo, A Mariña e Monforte os hospitalizados en unidades de críticos mantéñense sen cambios en 26, mentres os que se atopan en planta diminúen en 11 ata situarse en 50. 


FALECIDOS E CURADOS

A Comunidade galega ha rexistrado ata a data 2.124 persoas falecidas con coronavirus tras notificarse outros 28 óbitos correspondentes a varios días este luns.

Adicionalmente, curáronse desta patoloxía 94.400 persoas, o que supón 919 máis respecto a os datos solicitados ata a xornada anterior. 


HOSPITALIZADOS



KV7EO coronavirus por concellos de galicia  (12)






Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress