Tensión pola presunta pasividade do Colexio Monterrey de Vigo tras a denuncia de acoso escolar a unha nena de 5 anos

A comunidade educativa de Galicia  vive pendente da denuncia pública dun suposto caso de acoso escolar no Colexio Monterrey de Vigo, que escalou ao longo da semana. A familia dunha nena de tan só cinco anos acusa o centro concertado de non actuar coa dilixencia debida ante as reiteradas alertas sobre a fustrigación que, segundo o seu testemuño, sofre a menor por parte de tres alumnos de sexto de Primaria, que lle dobran a idade. A situación xerou unha profunda alarma entre os pais e nais do colexio, que convocaron unha concentración silenciosa para este mesmo venres, ás portas do centro, co obxectivo de esixir medidas inmediatas e mostrar o seu apoio á presunta vítima e á súa familia.

Indignación ante a resposta do centro

A tensión disparouse este xoves despois de que a resolución interna do Colexio Monterrey, feita pública o pasado mércores, constatase a existencia de "situacións de violencia", pero, ao mesmo tempo, descartase a posible existencia de acoso escolar. 

Esta distinción foi cualificada de "un insulto" polos pais da nena, quen aseguran que o bullying prolongouse durante máis de tres semanas. Segundo a denuncia, a menor foi obxecto de graves vexacións, incluíndo agresións físicas, como ser agarrada do pelo, zarandeada "como un saco de boxeo", que lle metesen papeis na boca ou lle quitasen os zapatos. A excepcionalidade do caso, onde os presuntos agresores son moito maiores que a vítima, estremeceu  especialmente á comunidade educativa viguesa.  Proxenitores explican o seu asombro porque os sospeitosos das agresións sigan indo a clase con normalidade.

Tras unha recente reunión co equipo directivo, a familia da menor expresou a súa "profunda insatisfacción" xa que, segundo sinalan, o centro "non activou o protocolo de acoso escolar nin adoptou as medidas de protección axeitadas" para garantir a seguridade da nena. A portavoz da familia, Olaya López, declarou que a decisión de convocar a protesta débese precisamente á ausencia do apoio esperado, afirmando que "o colexio non fixo nada".  Testemuños recolleitos ás portas do centro corroboran a sensación de pasividade.

A Consellería de Educación intervén

Ante a gravidade dos feitos e a denuncia da familia, a Consellería de Educación da Xunta de Galicia tivo que intervir. O seu gabinete de comunicación informou de que o xoves pasado recibiuse a comunicación da familia e "Inspección Educativa está a supervisar o inicio do correspondente protocolo de acoso escolar no centro para avaliar a existencia ou non do mesmo". De feito, foi a Consellería quen, de oficio, tivo que abrir o procedemento, o que, segundo a familia, subliña a falta de acción do colexio.

O inspector adscrito ao centro vigués xa mantivo varias reunións, tanto coa familia para solicitar novos datos achegados por diversas testemuñas do colexio, como coa dirección do mesmo. Segundo o protocolo da Xunta para a prevención e tratamento do acoso escolar e ciberacoso, é "imprescindible" que se actúe "de forma inmediata e decidida" cos implicados.

 Ademais, obrígase  á persoa responsable do centro a "establecer as medidas urxentes oportunas de protección á presunta vítima", facendo primar "sempre o interese da vítima fronte a calquera outra consideración". O protocolo establece un prazo de só dous días para as investigacións previas á apertura dun expediente.

As medidas adoptadas e as peticións da familia

A pesar de que o centro asegura que se seguiu o protocolo desde o minuto un, a principal queixa dos pais é que non se tomaron medidas cautelares para manter aos presuntos agresores afastados da nena. As peticións da familia, consideradas "perfectamente concebibles e xustas" pola portavoz, céntranse en tres eixos principais: a separación inmediata dos presuntos acosadores para evitar calquera coincidencia coa nena, a expulsión disciplinaria dos agresores identificados e, por último, a garantía de que non haberá represalias para a menor unha vez que a noticia deixe de ter visibilidade nos medios.

O equipo directivo do colexio, pola súa banda, optou por un conxunto de medidas que a nai da presunta vítima considera insuficientes,. As medidas anunciadas inclúen que a nena xa non coincidirá na saída de clase cos seus presuntos agresores, entrevistas individuais cos sospeitosos para avaliar "procedementos correctores", o aumento da vixilancia no patio, a organización de charlas sobre acoso con alumnos e familias e a posta en marcha dunha comisión de convivencia escolar en Educación Primaria. No entanto, ningunha delas supón a separación inmediata ou a expulsión. Precisamente a expulsión disciplinaria dos tres alumnos de sexto de Primaria debaterase no seo do centro educativo.

A situación do Colexio Monterrey cobra especial relevancia nun contexto nacional de maior vixilancia sobre o bullying. Recentemente, sucedéronse protestas e concentracións en Sevilla tras a tráxica morte dunha nena de 14 anos que sufría acoso escolar, o que incrementou a sensibilidade e a vixilancia xeral da comunidade educativa ante episodios deste tipo.

A concentración de apoio á familia, convocada por un grupo de familias e veciños de Vigo, terá lugar este venres ás 13 horas fronte ao centro educativo, buscando denunciar a suposta falta de actuación do colexio a pesar das reiteradas alertas da comunidade. Os convocantes subliñan que as alertas non só foron comunicadas pola familia afectada, senón tamén por outros alumnos e os seus proxenitores, quen trasladaron a súa preocupación. 

Ademais, afirman que este tipo de incidentes repetíronse  durante un tempo no mesmo colexio, o que, ao seu xuízo, esixe unha revisión dos procedementos internos do centro.

Os asistentes foron chamados a que o acto conclúa antes das dúas menos cuarto para evitar coincidir coa saída do alumnado. A familia tamén solicitou ser acompañada no momento de recoller á pequena á saída, como unha mostra de agarimo e apoio para que sintan que non están sós e que "tanto eles como a súa filla son as verdadeiras vítimas desta situación". En canto á dirección do Colexio Monterrey, ñLa directora, que si se reuniu co inspector de Educación e cos pais da menor, optou por non #pronunciar publicamente polo momento.

A Xunta indica este venres que hai expedientes en marcha

O colexio Monterrey de Vigo abriu cinco "procedementos correctores con sancións" no marco da investigación iniciada tras a denuncia dunha familia dunha nena de 5 anos, que denunciou unha situación de acoso escolar por parte de alumnos de sexto de Primaria.

Segundo informaron fontes de Educación, o equipo de actuación contra o acoso escolar do centro, composto por varios profesores, tras as investigacións iniciais, determinou que existiron "condutas contrarias á convivencia" e por iso abríronse os procedementos sancionadores aos alumnos implicados.

As mesmas fontes explicaron que o servizo de Inspección Educativa "seguirá supervisando o correcto desenvolvemento por parte do centro do procedemento establecido no Protocolo Educativo para a prevención, a detección e o tratamiendo do acoso e o ciberacoso escolar".

A Consellería reiterou a súa posición de "tolerancia cero" ante este tipo de condutas e volveu a apelar ao "compromiso colectivo" para combater comportamentos contrarios á convivencia, e para "seguir actuando con eficacia e dilixencia" ante calquera posible caso.

A familia denunciante e os seus achegados convocaron para este venres unha concentración ante o colexio para denunciar a situación, que eles consideran de acoso, e para esixir medidas que impidan que se repita.