Os comerciantes galegos necesitan axudas inmediatas para facer fronte ás novas restricións

|

Desde a Federación Galega de Comercio denuncian que as novas medidas que comezarán este mércores poñen en xaque ao sector, moi tocado pola pandemia.


"Non podemos aceptar máis préstamos porque nos endebedamos máis", sinala José María Seijas, presidente da Federación. 


Comerciantes



A Federación Galega de Comercio reivindica "axudas directas xa" para os comercios tras as novas restricións anunciadas pola Xunta que implican o peche do comercio non esencial ás 18,00 horas e que os centros comerciais permanezan pechados a fin de semana.


Así o manifestou, en declaracións a Europa Press o presidente da entidade, José María Seijas, quen sinalou que confía en que estas medidas "non estean tomadas caprichosamente" senón por "expertos sanitarios".

Por iso, insistiu en que estas medidas que afectan o comercio galego requiren que "se acelere" a implementación de "axudas directas" para estes negocios.

"Non podemos aceptar máis préstamos porque nos endebedamos máis", explicou Seijas, quen resaltou a necesidade de "axudas directas e a supresión de impostos" a estes negocios afectados.


Nesta liña, demandou subvencións e axudas para a "liquidación de traballadores" que non poidan manter tras a súa recuperación despois dos ERTE. "Ten que haber unha axuda para a xente que non se poida manter", sentenciou.


Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress